បទ : កំពុងសោមដួងចិត្ត
ឱ!កំពង់សោម ឆោមស្នេហ៍ខ្ញុំអើយ!
សាយ័ណ្ហរំភើយ គេងកើយភ្លៅស្រី
គេងស្ដាប់ អូនច្រៀង រាប់រឿងភក្ដី
ម្លប់ឆ្នេរជលស័យ មានន័យម្លេះទេ
រលកផ្កាត្រែង ប្រលែងឆ្នេរខ្សាច់
ទឹកថ្លាដូចពេជ្រ ឆ្លុះសាច់មាសមេ
ថ្ងៃបាំង ពពក រលករាំរេ
ពីរោះម្ល៉េះទេ ពៅបំពេបង
ឱ!កំពង់សោម ប្រលោម ដួងចិត្ត
ប្រលែងស្នេហ៍ស្និទ្ធ ផ្ដេកផ្ដិតផ្ដោះផ្ដង
រលកបោកប្រាណ ច្រានអូនឲ្យបង
ទើលើបង្គង គ្រងម្កុដ ស្នេហា
សមុទ្រ ជោរនាជ មិនភ្លេចជាតិប្រៃ
សូមឲ្យនិស្ស័យ ស្រីដូចជលសា
ទោះទឹកច្រោះខ្សាច់ ដាច់ស្នាមស្នេហា
តែដួងចិន្ដាកុំសាវាឡើយ
ភ្លេង
ឱ!កំពង់សោម ប្រលោម ដួងចិត្ត
ប្រលែងស្នេហ៍ស្និទ្ធ ផ្ដេកផ្ដិតផ្ដោះផ្ដង
រលកបោកប្រាណ ច្រានអូនឲ្យបង
ទើលើបង្គង គ្រងម្កុដ ស្នេហា
សមុទ្រ ជោរនាជ មិនភ្លេចជាតិប្រៃ
សូមឲ្យនិស្ស័យ ស្រីដូចជលសា
ទោះទឹកច្រោះខ្សាច់ ដាច់ស្នាមស្នេហា
តែដួងចិន្ដាកុំសាវាឡើយ៕
សូមអរគុណ
