أنا الكاوي بكي مخفي جرحي في الذات ما برا لي
من بعد ما نكويت و بريت جراحي طالوا
يحياوا حتى يهولوني و نعود من ساهر الليالي
جراح البين و الهوا و الهجرة لا زالوا
جراح الهيج و الغرام والغيوان الشاطنات بالي
هذوا من غير شك زادوا للقلب أهوالو
بهم مشطون كيف راد و قدر نعم الغني العالي
سابق وعدي نسرفو و الوعد في مجالو
لا زَلـْتْ مْلازْمْ الصَّبَرْ صَبْري صَبـْرْ العيسْ فـَاللـْيَالي
ارْفـَدْتْ حْمُولْ الهْوَى وَتـْكـًََدَّرْتْ حْمَالـُو
عَذْرونِي يَا اهْلـِي وُلاشْ تـْلـُومُونِي هَكـْذَا فـْحَالِي
سِيرُو خَليوْ كـُلّْ حَالْ يْسيرْ عـْلى حَالـُو
القسم الثاني
لاشْ تـْلـُومُوني في هويا وانـَا بكـًْرَايْحي نْلالي
شـَاكي بـَاكي مَنْ هْمُومْ قـْلـِبي واهْوالـُو
تـَارَا مُولْ الغـْرامْ تـَايَهْ تـَارا حَالـُو يْعُودْ سَالي
تـَارا يَبْقـْى هْميمْ هَايَمْ لا مَا يَزْهَا لـُو
الغْرَامْ امْصِيبْتـُو امْصِيبَا اًصْغَى يَا لايْمِي اصْغَى لِي
الغْرَامْ اصْعِيبْ سَوَّلْ اَمـَّالِيهْ اللـِّي قـَالـُو
الـَغْرامْ مطَوَّعْ السْلاطـَنْ لاسِيَّمَا اللـِّي بْحَالي
ديمَا غـَيْظـَانْ عَلْ العـَشـَيقْ مَا كَيَرْتـََا لـُو
طوَّعْ كِسْرى عْلـَى نـْصَالـُو وَمَا قـَاسَى مْعَ لـَهْلالـِي
وُمْطـَوَّعْ قيس الـْغـْلامْ الـْعَبْسي وَامْثـَالـُو
عَذْرونِي يَا اهْلـِي وُلاشْ تـْلـُومُونِي هَكـْذَا فـْحَالِي حااالي حااالي حااااالي حااااالي سير وخلي كل حال يسير على حالو
عذروني ياهلي ولاش تلوموني هكدا حالي هكدا حالي هكدا حااالي سير وخليو كل حال يسير على حالو سير وخليو كل حال يسير على حااالو
القسم الثالث
البَعْضْ من ـَالنـَّاسْ كَيْلـُومُو وِيزيدُو فِي امْلامْ حَالي
والُبَعْضْ من النـَّاسْ كـَيْقـُولـُو هَذايا عَمْبالـُو
هَذا حَالي مْعَ الهْوَى مَتولع بمحاسن الغـْوَالي
يتـْرَوَّعْ سَاكـْني وَينـْطـَقْ مَنْ غيرْ اسْوالـُو
وِلـَى نَجْبَرْ على الهوا بْحالِي يَسْتـَحْسْنـُو اقـْوَالي
يَبْكيوْ عْلـَى ابْكـَايْ نـَاسْ الغيوَانْ يْسَالـُو
وِلـَى نَجْبَرَ على اللـُّومْ يْلـُومُو وِيبَطـْلـُو اشـْغـَالي
ويقـُولـُو يَا لـْطيفْ رَاهْ تـْقـَوَّات عـْلالـُو
لامُوني فِي افـْعَايـْلي وفـَْعَلـْهُمْ عَدَّا عْلـَى افـْعَالي
لـَكِنْ غْدَا كل واحد يتحاسب بفعالو
عذروني ياهلي لاش تلوموني هكدا حالي هكدا حالي هكدا حااالي سير وخليو كل حال يسير على حالو
