انا عاوزك بس في كلمتين
احنا اتقابلنا من يومين
مش فاكر اتقابلنا فين
وبالأمارة ضحكتيلي
أموت انا في غزل البنات
والغمازات لما تبان بتجنني
يابت قلبي فيكي داب
سامع سكات محتاج لحد يطمني
توهت في جمال الغمازتين
حلاوتهم زايدة حبيتين
والموج اللي في العنين
غرقني لما غمزيتلي
البعد عنك مش مرار ده انتحار
مجروح وقلبي بيتيخيط
يلا يابت بلاش هزار خدي القرار
عيني في بعدك بتعيط
شوكولاتة سايحة جوا كيك
مشوفتش بنت جامدة هيك
انتي الاساس والباقي فيك
حلوة اوي في كل حالاتك
عملتي جوا مني حرب
عقلي قلب كل مافيا بيندهلك
جمع طرح قسمة ضرب
شرق غرب
انا لازم اكلم اهلك
ضحكتها تخطف القلوب
خطوتها تعمل حروب
على ايدها اتعلمت ادوب
دوبت فيها وحبيتها
تعالي سكة ايه النظام ايه الكلام
هتموتيني يخربيتك
بحبك وبكل احترام مش حرام
اني اقولك حبيتك
هو انتي عملتي فيا ايه
حبك ده بحر غرقت فيه
معرفش جيت معاكي ليه
دي واخدة قلبي في سكتها
دي واخدة قلبي في سكتها
