أنا هقسمني على شخصين
هاخدني في بار أنا ساعتين
همسي عليا أنا بكاسين
وأفضفض ويايا شوية
(كيمو الديب)
أنا بعشقني أوي يابا
أنا في غابة بسحابة
شايف أندال بتتغابى
ومش شايف واحد مظبوط
لقتني جدع مع صحابي
وفي غيابي جابوا إيجابي
قالوا في ضهري ده إرهابي
يا دنيا منهم أنا مكبوت
بقيت بتحط في مشاكل
بحبني موت عشان راجل
لو أجيب ورا يوم هتاكل
بثور للخلق تظلمني
لو إحتجت في يوم روزمة
مافيش غيري شالني في الأزمة
صحابي محتاجة مية جزمة
علشان ولا حد فيكوا شالني
تعبان أنا مين قدرني
ليه يخسرني اللي دمرني
مافيش غيري جالي وزارني
وقلتلي ألف سلامة
بحب السلفي علشاني
ما أشوفش أناني يا زماني
في صورتي لقوني وحداني
قالوا لوحدك ليه يا زعامة
عشان بخرج أنا لوحدي
وعشت حياتي دي براحتي
وإنتي يا صحبة بتتجاحدي
وبتعيشي عليا الدور
ده أنا بحكيلكوا أفكاري
بتفتكروها أسراري
بتروحوا تحكوا ليه لجاري
ده أنا أخاف أقول سري لمغرور
ما بعرفش حريم زايطة
وبنات بيتا مع بكايتة
وفي الأصل عيال أيطة
بس فلوسهم زقاهم
ده صاحبي كان ماشي ورايا
لقى عباية فيها نتاية
ده راحلها قل معايا
دي صحبة الحرمة حكماهم
هروح أركب أنا موتوسجن
ده معنى الإسم حبسة يا عجن
ده غير كده وكده يبقى الركن
زهايمر هو ده المطلوب
جيب نجار ناصبلي تابوت
راكب دايو بعدة صوت
مشغل مهرجان الموت
مافيش منه يا صاحبي هروب
أنا بقيت مريض نفسي
ضارب جسمي وناسي إسمي
بقيت مجنون خالص رسمي
ومش عارف يا صاحبي أفوق
بقيت مدمن دوا الكحة
مافيش صحة خلاص شحة
هاخدني وأروح على مصحة
علشان من دنيتي مخنوق
عملت حكاية في خيالي
وفي نداهة نادهالي
ما بقتش عارف أنا مالي
ومش طايق ولا واحد
رسمت الضحكة على وشي
وقلت لنفسي معلشي
حزين لكن مابينشي
عشان ناوي أكون جاحد
هجيب لنفسي طقم العيد
عايشها وحيد يا رتني سعيد
عطتني عيدية فرحي يزيد
ومش عارف فرحت أنا ليه
في يوم ميلادي عامل حفلة
لقيت عيني قافلة على غفلة
في كلمة حفرتلي حفرة
Happy birthday وقلتلي
وجبت لنفسي أنا هدايا
ما أصل مافيش غيري معايا
بكلم نفسي في مرايا
وبعزمني على فرحي
في تفكيري أنا حبيبتي
وعيشت الوهم هنتلي
في زفتي جتلي غنتلي
دي أغنية إسمها جرحي
أنا هقسمني على شخصين
هاخدني في بار أنا ساعتين
همسي عليا أنا بكاسين
وأفضفض ويايا شوية
بقولي مين شالك يا إبني
قلت مافيش واحد شالني
لقيت كلامي زعلني
حبستني ما الطيبة قضية
