قارورة

اول مراسيل الحزن

نسمة هوه جايبته الي

مخنوك اجه بصدري النفس

شميته بي ريحة هلي

من والدي جايب عطر

مو ذاك عطره الأولي

بي ريحة الفاكد ولد

يمكن مشه الأكبر علي

يقارورة

واخاف آني

تجرحيني بخبر ثاني

وأموتن قطرة قطرة

الرسايل كلها خطرة

وأموتن قطرة قطرة

الرسايل كلها خطرة

ثاني رسالة من السفر

مكتوبة الي بكطرة دمه

كالتلي عطشان الورد

مات النده ويشرب ضمه

عبدالله مو ذاك الطفل

جن والدج شايل سمه

اترف قرابين العشك

راد الحبيبه يقدمه

رسمتيلي

يقارورة

مهد خالي

بحضن صورة

وأثر دم أعله صدره

الرسايل كلهه خطرة

وأثر دم أعله صدره

الرسايل كلهه خطرة

{ كــــــــــــورال }

ثالث مكاتيب البعد

هذا اصعب واكثر خطر

يحجيلي سالوفة سمه

مثلومة ويطيح الكمر

من يحظن بروحة الجرف

يشبه نهر حاظن نهر

مو ظهر ابوية المنحني

ظهر الزمن كله انكسر

لكاه كاتب

على جروحة

غلاة اخته

مثل روحة

طلب زينب تعذره

الرسايل كلهه خطره

طلب زينب تعذره

الرسايل كلهه خطره

{ كــــــــــــورال }

أما الرسالة الرابعة

لونچ يقارورة اختلف

لون الدمه تحول إلى

حنة عريس بلاية جف

والدته ينزف رادته

زفوه على جروحة ونزف

صورة بدر ينزف ضوه

صورتي لحساسي ورجف

انا وروحي

وخناجرهه

مثل رملة

ومشاعرهه

الحجر بالنوح افطره

الرسايل كلهه خطرة

الحجر بالنوح افطره

الرسايل كلهه خطرة

{ كــــــــــــورال }

لحظة اوصل من الهجر

أصعب مراسيل الألم

شكلج يقارورة اختلف

صار أسود وقلبي انصدم

مستغربه وفكري انذهل

حزنج على ارموشي انرسم

ليل الله بحظانج نزل

لو هذا دخان الخيم

جمر غربة

وحرك خيمة

وانه بعيني

الدمع غيمة

مطر وخدودي صحرا

الرسايل كلهه خطرة

مطر وخدودي صحررااااا

واخر رسالة من النحر

كلبت موازين الزمن

قارورة الدم امتلت

وتبدت وفاض الوطن

صدرك عليه حافر فرس

والخد بالرمال اندفن

وصفولي بجروحك شمس

وجروحك مايتوصفن