Doon sa bayan ng Bethlehem, may isang gabing kay dilim

Sa langit sumilay ang isang bituin, liwanag nito’y kay ningning

Nagbigay ng tanglaw sa bawat nilalang

Ang anak ng Diyos ay sumilang

II

Doon sa bayan ng Bethlehem, may isang talang nagningning

Higit sa liwanag ng mga bituin sa langit ay mapapansin

*O bituing natatangi, sa ‘yong liwanag

Pagsilang ni Kristo’y iyong inihahayag

Purihin ang Diyos, purihin ang Diyos!

Sa pagdating ng manunubos

III

Doon sa bayan ng Bethlehem, isang sanggol ang dumating

Higit sa liwanag ng mga bituin minsan ay ‘di napapansin

*O bituing natatangi, sa ‘yong liwanag

Pag-asa ng tao'y iyong inihahayag

Purihin ang Diyos, purihin ang Diyos!

Sa pagdating ni Kristo Hesus!

*O bituing natatangi, sa ‘yong liwanag

Pag-ibig ni Kristo’y iyong inihahayag

Purihin ang Diyos, purihin ang Diyos!

Sa pag-ibig ni Kristo Hesus!