نفس الحروف
دنيا سمير غانم والمجموعة
كلمات: محمد إبراهيم وهشام سليمان
ألحان: هشام جمال
..
مين اللي قال فيه مشكلة في نطق الكلام
مين اللي قال إن التفاهم مش تمام
مين اللي قال إن إحنا مش قد الظروف
مين اللي قال إن أحنا نستسلم لخوف
ليه تحكموا بالشكل بس
الله جمال خلق البشر بينهم فروق
خلق البشر بقلوب تحس
وخلقني بينكم واداني كل الحقوق
ليه تحكموا بالشكل بس
الله جمال خلق البشر بينهم فروق
خلق البشر بقلوب تحس
وخلقني بينكم واداني كل الحقوق
انتوا الحيااااااة وأملنا فيكوا
لو مرة توهنا نبص بعيونكم نشوف
انتوا الحيااااااة وبكره ليكوا
وبعد الألم جاي الأمل
الكلمتين نفس الحروف
أنا مش زيادة على الحياة
أنا ليا دور لازم يتم
وعد إني بكرة اثبتلكم
أنا قد إيه إنسان مهم
. lıll MUSICموسيقى ll lı.
المستحيل مش في القاموس
وأنا مش هسيب الحلم قبل ما أحققه
قصص التاريخ بتقول دروس
عن اللي عاشوا بيحلموا وبيصدقوا
لو كل سور كان بعده سور
أنا نفسي اطول من التعب ومن الطريق
شايف في أخر السكة نور
بصبر واعافر كل مالأيام تضيق
انتوا الحيااااااة وأملنا فيكوا
لو مرة توهنا نبص بعيونكم نشوف
انتوا الحيااااااة وبكره ليكوا
وبعد الألم جاي الأمل
الكلمتين نفس الحروف
الدنيا محتاجه اننا
لو يوم وقعنا أوام نقوم
ونعيش حياتنا كأننا
بنتولد فيها كل يووووم
الإعاقة إعاقة الفكر وليس الجسد
.¸¸. تحياتى
