الناس بتحب وتتجوز وانت يا غلبان عشمان ترتاح ولو يوم واحد من الاحزان
وبقالك عمر بتستعبط ومقضي حياتك شغل ونوم لا بتسهر ولا بتروح تشحن
ولا عمرك جيت علي بال انسان
الناس كلها اتنين اتنين وانت اللي متونس مع حالك
كوبايه الشاي المظبوطه برقبه الحب واحلالك
متعود تسهر بس وحيد تسمع افلام او مزيكا
ويا بيبي بتتقال لصحابك اما انت محدش قالهالك
خايف لتحب وتتعلق تاخد علي عينك من تاني
بتقول ع الحب جميل وعظيم بس انت بترتاح وحداني
تنصح في الناس وتقول حبوا وادخلوا علاقات واعملوا صداقات
وانت ولا بتحب ولا بتصاحب اخرك تتفرج وتعاني
بس انت تبعنا احنا اللي ارتحنا من الدوشه
بننام وقت اما نحب ننام ونقوم بمزاج وهدوء وسلام
بنزود غنا ونقل كلام ونعيش اليوم باليوم راضيين
اصلها ارزاق في ناس تتحب وناس مخلوقه تكون معازيم
تحضر افراح تاكل جاتوهات وتسقف كأنها قرد يتيم
الناس كلها تصحي من النوم ع صوت اللي تحبه
واحنا بنصحي من النوم ع صوت بيقوا حمرا يا قوطه العشره بمليم
والنبي حلوين وقلوبنا تمام بسنعمل ايه بختنا مايل الحظ
ملوش عندنا حاجه ومشيلناش اي جمايل
لينا مع الحب سوابق كلها ممضيه من الاحزان
والصحه متستحملش كمان يغلطوا ونلروح احنا نحايل
قوانين الحب بتاعه الناس مبنفهماش الكلمه الحلوه اللي تونس
في الوحده الصعبه منسمعهاش الواحد اتعود يمشي وايده ماسكه ايديه التانيه
مستني الحظ يعدي عليه بس معداش بنام بدري وبنصحي المغرب وبنعرف نعمل شاي مظبوط
وتشوفنا الناس تقول قلوبنا حديد واضعف من البسكوت
نحب اغاني الحب برغم اننا ملناش احباب خالص
وبنعدي لكل الناس تتحب وتحب بجد وتبني بيوت
احنا العذاب بين الاحباب والناس الرخمه اللي تقاطع
احنا اللي في كل مكان بنكون قاعدين زي القرد القاطع
ناكل او نشرب او نلعب والباقي يسبل ويغازل
واحنا في الطالع والنازل نضحك ونبص عايزين نتحب ومش قادرين فبنفضل في الحكايات في النص
طب ايه مش ناوي تشوف حالك وتختار مع واحده اسم عيالك
مش لاقيه عليك تخلص صالونات وامك تختار وتجبهالك
مش هانت بقي وهنفرح بيك وتجيلنا اخيرا مع انسان
ينفع تصطادك من الاحزان وتدوق الفرحه اللي في بالك
ولا انت يا واد شكلك منهم والحب حرام ع امثالك
هو احنا لاقينا اللي يقدر ومكملناش وياه يا ولاه
قلبنا متشال بالكيس لونيس اللي بيقدرع ويحب لؤاه
في كلام ودلال ودلع متشال تحويشه عمر وحب كبير
وهيطلع في الوقت المظبوط وللشخص الصح اللي هنلقاه ولحد ما نلقاه هنقولك يتعافي المرء بأكله تمام وشاي مظبوط مش بحبيبه
عمرك ما تشوف كوبايه شاي وحبيبها معاها وبتسيبه
من يوم ما اخترعوا الحب زمان والناس عماله تموت بعض
القلب بيفضل زي الفل اما الحب يصيبه
القلب بيفضل زي الفل لحد اما الحب يصيبه
وعجبي
