ترى النصيب أسباب لاتلوم النصيب
وترى العقول أنواع والعاقل فطن
واللي يعرْف الحب مايخسر حبيب
ولا يطيع ابليس لامنِّه رطن
ولا توديه السواليف وتجيب
ولا يضيق اذا لياليه اسخطن
وأنا عشان أثبت لك إن صدري رحيب
خذ خطوتي لِ خطاك لامنهن خطن
خذني الغياب إن كان لك نية تغيب
خذني إبتساماتك إذا أحزانك سطن
خذني الوجود من الشروق اليا المغيب
خذني الثواني لا أسرعن ولا بطن
خذني قريبك لا جفاك أقرب قريب
خذني العطا كان الليالـي ما عطَن
خذني وطنْك إليا شعرْت إنَّك غريب
أجمَل شعور إني على شانك وطَن
