Kabhi thay hum is watan kay pasban

Par likh dali humnay bhi aik zulm ki daastan

Rishtay katna, ya jootay chatna

Jab khanjar sabki peeth main tho dard kya bantna

Sar par sawar din raat yahan shaitan hai

Murda ye awam, Bibighar ka maidan hai

Chobis ghantay khuli yahan eeman kee dukaan hai

Insaniyat bech kar hee tho banta yahan haivaan hai

Dushman banay khud kay hum dheeray dheeray

Jeet main bhi haar tho kis baat ka jeevay jeevay

EIC jaisay oopar say ye meethay meethay

Qalam kay zariye inhain ilm kay lagata teekay

Ghulami ka nizaam aaj bhi qayam hai

Afsos kay aaj bhi jata paisa bahir hai

Afsos kay Faiz jaisa shayar aaj ghayab hai

Ehtajaj par aaj bhi General Dyer ka fire hai

Banay phir say ghulam ye

Kehtay zubaan ko lagam day, inko such chubta hai

Kehtay oopar wala betha sab sunta hai

Ghuroor par itna jaisay inkay liyay waqt rukta hai

Kab zindagi khatam, kon qabar main utarta hai

Karachi kay beech main jaisay target thukta hai

Maazi main gora, aaj har leader phut tha hai

In Faironon kay samnay IQBAL kabhi na jhukta hai

Kyunkay aata sab par azaab hai

Jallianwala humain aaj bhi tho yaad hai

Bengal ka kehat humain aaj bhi tho yaad hai

Kal ka ghadar ban kar betha aaj nawab hai

Main jaisay Kalam Azad in Bal Thakeron kay beech main

Mangal Pandey in Mir Jafaron kay beech main

Wo gaye loot kar, aur hum kya seekhtay

Apnon kay darmyan hum aaj tak lakeerain kheenchtay