يا غايب لا تزعل

لا تقطعني واسأل

عنّي وين بترحل

سلمتك روحي يا روحي

والنبض وقلبي ومفتاحه

تزعل وتبلكني

دايم ملبكني

من غيرك يملكني

زوّدت جنوني بجنونك

لا تخلي قلبي بجراحه

سمّعني شلونك؟

ورنّة تيليفونك

وصوّر لي عيونك

نظرات عيونك تذبحني

قلبي اشتاق لطعن رماحه

قلبي اشتاق لطعن رماحه

جنني وهبّلني

وبحبه كبّلني

وجهه يخبّلني

وجهك بسمة كل الدنيا

لا تغطي وجهك بوشاحه

يا ويلي، يا ويلي

منّك مطول ليلي

نارك هدّت حيلي

بعدك يشعل نار أشواقي

وبقربك تهديني الراحة

إتبسّم واتزيّن

والغمازة تبيّن

وقل لي هيّن، هيّن

مو لايق زعلك يا عمري

قرّب قلبي زيد أفراحه

قرّب قلبي زيد أفراحه

كل من شافك فهّا

فوق الأرض إتبهّا

وبخطوتك إتزهّا

إكشخ واطلع واضحك وانسى

خل الحب يرفّ جناحه

حبّك لا ما ينقص

دام عيونك تقنص

إتمايل لي وارقص

خلّ أشعاري فيك تغنّي

وقليبي يفتل مسباحه

غيرك ماهو أشطر

خلي شهدك يقطر

واتمشى واتمخطر

شف قلبي صاير ميدانك

وحدك بس إلعب بالساحة

وحدك بس إلعب بالساحة

قلبي صاير قصرك

تفتنّي بقصرك

وبتقويسة خصرك

ومن خدّك قل لي وش نقطف

من خوخة ولا تفاحة

من زينك كيف أنجا

بالخطوات الغنجا

تعزف لي كامنجا

وانثر شعرك فوق متونك

خل العطر يفوح براحة

عنّك وشلون أسلا

يا ابو العين النجلا

كل يوم تصير أحلا

يا ويل قليبي من عينك

والنظرة دايم ذبّاحة

والنظرة دايم ذبّاحة