كل شي عم يخلص..الحب والأحلام
كل شي عم يخلص..الضجر والأيام
الطريق عم يخلص..ونحنا عالطريق
رح تخلص المسافة والطريق
كل شي عم يخلص..الحب والأحلام
كل شي عم يخلص..الضجر والأيام
الطريق عم يخلص..ونحنا عالطريق
رح تخلص المسافة والطريق
خدني حبيبي عجل خدني الدنيا عم بتغيب
دخيلك خدني ما تضيعني بالليل الغريب
خدني حبيبي عجل خدني من قدام الباب
خبيني بقلبك لا تتركني وحدي بالضباب
كل شي عم يخلص..السهر والأعياد
والسفر عم ينده..بمطارح بعاد
الخريف عم يخلص..ونحنا بالخريف
والضبابة غطيت الرصيف
خدني حبيبي عجل خدني الدنيا عم بتغيب
دخيلك خدني ما تضيعني بالليل الغريب
خدني حبيبي عجل خدني من قدام الباب
خبيني بقلبك لا تتركني وحدي بالضباب
كل شي عم يخلص..وجوه الأصحاب
كل شي عم يخلص..ضحكات الأحباب
والعيد راح يخلص..وأنا بهالعيد
وحدي يا حبيبي وأنت بعيد
خدني حبيبي عجل خدني الدنيا عم بتغيب
دخيلك خدني ما تضيعني بالليل الغريب
خدني حبيبي عجل خدني من قدام الباب
خبيني بقلبك لا تتركني وحدي بالضباب
دخيلك خدني ما تضيعني بالليل الغريب
خبيني بقلبك لا تتركني وحدي بالضباب
