الاخت : ايه ال اخرك كده يا اميرة
تضحك
اية الشنب ال في وشك ده
اميرة : شنب ؟!
اميرة : المجرم السافل
الاخت : هو مين
أميرة : سايبني نص ساعة من غير ما يقلي اني عندي شنب
الاخت : اله ايه ال حصل بس فهميني
اميرة :حصل ان العربية اتعطلت في السكة بصيت لقيت واحد افندي هزق اتزرع قدامي بني ادم وقح جلياط
مجرد من الزوق ابرد من لوح التلج
الجد : يافتاح يا عليم يا رزاق يا كريم ياتري بتشتم مين علي الصبح
حسن : هي ديما تشتم كده
الجد : في الفاضي والمليان يا بني لسانها متبري منها عن اذنك اما اشوف بتلبخ في مين
حسن : اتفضل
اميرة : اه لو شفته المجرم ده مش هركبه عربية تبن وشرفك عربية سباخ
الجد :يا اميرة يا بنتي وطي حسك مش طريقه دي
اميرة : اسكت انت يا جدو
تكمل : همرمط بيه الارض هخليه ميسواش بصله
يدخل حسن قائلا : استأذن انا يا سيد امين
الجد اتفضل يا ابني المضيفة تحت أمرك
حسن يكلم الاخت : ميرسي اوي يا مدموزيل نادية علي القهوة اشكرك
أميرة : أنت يا حضرت
حسن افندم
أميرة : سامع شتيمتك بودنك وخارج كدة بمنتهي البرود
حسن : هو حضرتك كنتي بتشتميني انا
اميرة : يا اخي ال علي راسه بطحه ديما بيحس بيها وال انت مبتحسش ابداً
حسن : مش الاول نتعرف ببعض وبعدين نخش شتيمه وردح
اميرة : ردح ايه يا افندي يا قليل الادب يا ال متربتش
الجد : عيب يا بنتي ايه الالفاظ ال بتقوليها دي
اميرة : الافندي ده مجرد من الاحساس ..... انت لو عندك دم كنت اتكلمت كنت قلت حاجة
حسن : انا اصلي مش قليل الادب
اميرة : فعلا يا افندي انت مش قليل الادب انت عديم الادب
الجد : وبعدين معاكي بقي لمي لسانك شوية اعملي حسابي انا علي الاقل
اميرة :
انت لولا وجود انا كنت اخدته قلمين
حسن : انتي عايزة تأخديني انا قلمين
اميرة : وقلمين شوية عليك كمان
الجد: عيب يا بنتي عيب ال بتقوليه ده مش للدرجه دي
حسن : سيبها يا سيد امين هي اصلو راكبها العصبي خليها تتفش أتفضلي خديني قلمين .... مستنيه ايه
اميرة : أنا موسخش ايدي
حسن : اغسلك وشي
اميرة تصرخ يااااااااااااااااااااااااه
الجد : حقك عليا يا دكتور امسح الغلطه دي فيا انا
تهتف اميرة : دكتور !
حسن : ايوة دكتور ايه عجبه
اميرة تسال :انت دكتور
الجد : ايوة الدكتور البيطري ال جي يعالج البهايم
اميرة : هه قول كده من الاول بيطري معاشر بهايم
حسن : انا فعلا عاشرت بهايم كتير انما عمري ما قابلت بهيمه قلت ادبها عليا
