(إرجع بقى)
(يا عايش في قلبى وسايب مكان)
إرجع يا عمرى اللى جاى واللى كان
إرجع تعالى
حبيبى استحاله
يفرق ما بينى وبينك زمان
(صعبه الليالى فى بعدك قوى)
وصعبان عليا فراقك قوى
وعارفك دارى بى
لا يمكن حبيبى
يكون قلبه فعلا عليا قوى
(مين ده اللى بعدك هيقدر يعيش؟)
بعدك حبيبى الحياة ما تساويش
يا نارى اللى قادت
وكترت وزادت
فى بعدك ما أنا بعد منك مَليش
(على عينى الحياه من غيرك)
(أنا ليا حبايب غيرك)
أنا ما اقدرش اعيش من غيرك
ولا ثانية يا عمرى
(سايبنى لمين يا حبيبى؟)
(يا جرح السنين.. يا حبيبى)
طول ما انت بعيد...يا حبيبى
مش قادر أعيش عمرى
(ارجع بقى)
(تعالى نلم اللى راح وانكسر)
نداوى الجراح اللى سابت أثر
أدينا اتقسمنا
وكترت آلامنا
ومفيش حد فينا أكيد انتصر
(تعالى يا عمرى، سايبنى لمين؟)
جارحني
ذاللني
قاتلني الحنين
عشان خاطرى ترجع
فراقك بيوجع
وقسيت فى بعدك عليا السنين
إرجع يا سايبنى طول الليالى
لجرحى، لدمعى، لشوقى لعينيك
إرجع مليش حد بعدك يا غالى
ولو شوفت حالى هيصعب عليك
ارجع، حرام تكوى قلبك وقلبي
بنار الفراق وبإيدينا اللّقا
(ارجع بقى )
(يا عايش في قلبى وسايب مكان)
ارجع يا عمرى اللى جاى واللى كان
ارجع تعالى
حبيبى استحاله
يفرق ما بينى وبينك زمان
(لسه الأماني بتنده عليك)
ورغم إن عينى بعيد عن عينيك
هواك لسه باقى
ونفس اشتياقي
لهمسة شفايفك ولمسة إيديك
(يا ريتك تجينى، يا ريتك تعود)
يا ساكن فى قلبى لأبعد حدود
إرجع يا غايب
يا أغلى الحبايب
ورجع لقلبى الحياه والوجود
ارجع بقى (ارجع بقى)
ارجع بقى (ارجع بقى)
