عليكي عيون
لا بتنافق ولا بتخون
وفيها من الأمان مخزون
وفيها من الجمال اسرار
عليكي كلام
يمشي الحزن وابقي تمام
يطمن قلبي يرجع خام
ف اكون انا وانتي كالاطفال
عليكي سلام
يقويني علي الأيام
ف طاقة تزقني لقدام
وبيها بكمل المشوار
عليكي هدوء
حلاوة صوت ونظرة شوق
أكون زعلان اشوفك اروق
واحس براحة واستقرار
عليكي جمال
وقلبك صافي وابن حلال
معاكي بعيش ف راحه بال
ومن غيرك بكون محتار
وجودك خير
بضحكة تخلي يومي جميل
بتسند ضهري وقت ما اميل
انا فعلا عرفت اختار
عليكي سلام
يقويني علي الأيام
ف طاقة تزقني لقدام
وبيها بكمل المشوار
عليكي هدوء
حلاوة صوت ونظرة شوق
أكون زعلان اشوفك اروق
واحس براحة واستقرار
