مشهد بائعة الزهور
نهاية الموسم الاول
تأليف وتنزيل شادي
shady_star23
نجاة وطارق اتكسروا في حادثة العربية
وماما بتاعة نجاة واقفة مع الدكتور
مامة نجاة : خير يا دكتور نجاة عاملة اية ؟
الدكتور : هو حضرتك والدة الانسة نجاة ؟
مامة نجاة : ايوة يا دكتور طمني عليها
الدكتور: اهو ربنا بيخلص ذنب ناس تانين
مامة نجاة :يعني اية يا دكتور ؟
هي جري لها اية ؟
الدكتور : شوية رضوض وكدمات
لكن كالعادة خطيبها لا.....
مامة نجاة : خطيبها ؟؟؟
نجاة مش مخطوبة يا دكتور
الدكتور : كمان ؟؟
يعني الشاب اللي رايحة جاية بيه ع المستشفي ماتعرفهوش
طب ازاي ؟اية العك دة ؟
مامة نجاة : عك اية يا دكتور ؟نجاة بمييت راجل
الدكتور : علي رايك..
بس والله لو شوفت راجل من المية دول
لرقع له صداغه ....الواد دة لازم يتحط عليه حراسة
مامة نجاة : هو اسمه اية يا دكتور ؟
الدكتور : اسمه طارق
مامة نجاة : اه طارق ربنا يكرمه ولد شهم وجدع
وقف مع بنتي في مشاكلها كلها وجاب لها حقها
الدكتور: ماهو باين علي وشه ....
بقولك اية يا ام نجاة ؟
مامة نجاة : خير يا دكتور
الدكتور : ما تيجي نخطبهم لبعض هنا
ونخلص الحكاية دي
مامة نجاة : هنا يا دكتور ؟
الدكتور : اه هنا ونلحقهم قبل ما يخلصوا علي بعض
ولا انتي اية رايك ؟
مامة انجاة : والله فكرة اطمن بيها علي نجاة
بعد ما باباها مات وهي بقت راجل البيت ...
الدكتور: الله ؟ هو بابا نجاة متوفي ؟
طب اية رايك؟ ما حدش دافع الحساب غيري
ورحمة مراتي ..واخدة بالك ....ورحمة مراتي
انا اللي هدفع المرة دي...
مامة نجاة : ليه يا دكتور تكلف نفسك كدة ؟
الدكتور : اصل بصراحة شوفت نجاة البونبوناية
طمعت في مصنع الحلويات واهو يبقي زيتنا في دقيقنا
مامة نجاة : قصدك اية يا دكتور ؟
الدكتور : قصدي ما دام اطمنا علي البنت
نشوف مستقبلنا بقي اية رايك ؟
مامة نجاة : بتكسف يا دكتور ....
الدكتور :يا سلام عليكي ...بدر منور ...
وافقي انتي بس وسيبي الباقي عليا
(مامة نجاة تهز راسها بالموافقة)
الدكتور : يا سلام لو بعرف ازغرد كنت زغردت
مامة نجاة : والاولاد حالتهم اية يادكتور ...
انت اسمك اية ..؟
الدكتور: انا اسمي كمال وانتي ؟
مامة نجاة : اسمي نوال ..
الدكتور: الله......... نوال ويارب انول علي طول
نوال : تسلم يا دكتور
الدكتور : احنا كلنا يبقي فرحنا في يوم واحد
ونجيب القمة تذيع .......
و..............................
نجاة ونوال اتجوزوا طارق وكمال
وعملوا فرح اللمبي وقنوعة هههههه
خلاص خلص الموسم الاول
سلام,,,
