चित्रपट : आम्ही जातो आमुच्या गावा (१९६८)
गीतकार : जगदीश खेबुडकर
गायक संगीतकार : सुधीर फडके
देहाची तिजोरी, भक्तीचाच ठेवा,
देहाची तिजोरी, भक्तीचाच ठेवा,
उघड दार देवा आता, उघड दार देवा
उघड दार देवा आता, उघड दार देवा
पिते दूध डोळे मिटूनी जात मांजराची,
मनीं चोरट्याच्या का रे भीती चांदण्याची
सरावल्या हातांनाही कंप का सुटावा
उघड दार देवा आता, उघड दार देवा
उजेडात होते पुण्य अंधारात पाप,
ज्याचे त्याचे हाती आहे कर्तव्याचे माप
दुष्ट दुर्जनांची कैसी घडे लोकसेवा
उघड दार देवा आता, उघड दार देवा
स्वार्थ जणु भिंतीवरचा, आरसा बिलोरी
आपुलीच प्रतिमा होते आपुलीच वैरी
घडोघडी अपराध्यांचा तोल सावरावा
उघड दार देवा आता, उघड दार देवा
देहाची तिजोरी, भक्तीचाच ठेवाs
देहाची तिजोरी, भक्तीचाच ठेवाs
उघड दार देवा आता, उघड दार देवा
उघड दार देवा आता, उघड दार देवा
