𓆩𝐒𝐀𝐈𝐅𓆪
اهداء لكل امراه
فقدت ابنها الشهيد
يايمه شلون يايمه شلون
لو رحت يالولد يايمه شلون
خاف يعيلون خاف يعيلون
لو طحت يالولد خاف يعيلون
ساهرت شكثر يبني
يبعد امك يغالي
يوميه احسب بطولك
ردت يكبر دلالي
تهيم بزفتك روحي
وعرس يترس خيالي
وابجي وتمسح بجفك
دمع عيني اليلالي
تاليهه عله كاع الطف
عفت تعب الليالي
اشوفك منذبح ضامي
ولاجان عله بالي
جانت عالبال جانت عالبال
زفتك والعرس جانت عالبال
مو للجتال موللجتال
ركبتك يالترف مو للجتال
يايمه شلون يايمه شلون
لو رحت يالولد يايمه شلون
خاف يعيلون خاف يعيلون
لو طحت يالولد خاف يعيلون
يا عمري ردت جفك
تجيه لتالي عمري
حسبالي الكبر تاليهه
فكدك يحني ضهري
انه امك واشوفك تنذبح
جاشنهي صبري
تنزف وانه وي نزفك
يدر حنيه صدري
طيحة دمك وعمك
يطيح وياهه خدري
نحرك ينكطع وانه
الهوى يشح عله نحري
وامشي بلياك وامشي بلياك
علهزل للسبي وامشي بلياك
نفكد يمناك نفكد يمناك
للحمل لو هدل نفكد يمناك
يايمه شلون يايمه شلون
لو رحت يالولد يايمه شلون
خاف يعيلون خاف يعيلون
لو طحت يالولد خاف يعيلون
تفكد نظرها
الراح ابنها
يمه
ويكبر وي الفركه حزنها
تشتاقله
تشتاقله ويبرد حظنها
انه الصبغت بدم العرس
جفهه وهدمهه
وانه الفكدت الوكت الكبر
ضنت يلمهه
وانه التحلم بزفه
عرس جان الابنه
كبرت ديرة احلامي
وخبر موتك هدمهه
صح جنتو زلم
بلمعركه الترفع علمهه
بس امك بدل دمك
تمنت تنطي دمهه
ياسهر الليل ياسهر الليل
والتعب والربه ياسهر الليل
مهدوم الحيل مهدوم الحيل
والعتب عالوكت مهدوم الحيل
يايمه شلون يايمه شلون
لو رحت يالولد يايمه شلون
خاف يعيلون خاف يعيلون
لو طحت يالولد خاف يعيلون
يمه شما اصد لبنيه
اشوفن بيهه زفه
وجفوف الطفوف الحنتك
متروسه لهفه
لخيمنه شيردك ياضحك
مات عله شفه
عمك جاسه فكدك
يابو جدم الماتحفه
هاضم ليش ابوك وضل
يطك جفه اعله جفه
وانه امك يبعد امك
دمع عيني شينشفه
مهظوم الحيل مهظوم الحيل
والكمر منفجع مهظوم الحيل
يهل دمع العين يهل دمع العين
والضهر منحني يهل دمع العين
يايمه شلون يايمه شلون
لو رحت يالولد يايمه شلون
خاف يعيلون خاف يعيلون
لو طحت يالولد خاف يعيلون
الرايح ابنها شلون بيها
لو جلجل المغرب عليهه
وتذكر الكمطته باديها
الولد يبني
كون ام الولد كبل الولد
يخلص عمرهه
حتى يظل صبح وجهه
ضوه الضلمة كبرهه
ويدليهه الدرب بيده
اذا وشل نظرهه
ليش امك يوالي
تشوفك مكطع حدرهه
الرادتك تجفنهه
وتنزلهه بكبرهه
مذهوله بقت دم ركبتك
كاسر ضهرهه
رايدتك عون رايدتك عون
لوعمن ياضوه رايدتك عون
غربه اليحدون غربه اليحدون
بلضعن للاسف غربه اليحدون
يايمه شلون يايمه شلون
لو رحت يالولد يايمه شلون
خاف يعيلون خاف يعيلون
لو طحت يالولد خاف يعيلون
