ចិត្តបួសហើយនៅឡើយស្រណោះ

ចិត្តធ្លាប់រងគ្រោះ ចិត្តអើយ មានអ្វីជួសសង

មិនរាងមិនចាំ ទោះដឹងថាស្នេហ៍បែរខ្នង

វេទនាច្រើនដង ស្នេហ៍ក្បត់ចិត្តចាំបានទេ

ចិត្តមិនស្ងប់រំងាប់មិនសូន្យ

ចិត្តនៅភ្លេចខ្លួន

ចិត្តអើយនឹកភ្នករកស្នេហ៍

រង្កៀសរកាំ មិនចាំអំពល់គិតគេ

គិតស្រីលក់ស្នេហ៍ នឹកគេច្រាស់ច្រាលតែឯង

ពាក្យស្មោះស្នេហា គេរក្សាពិតមិនបាន

គេផ្គើនងងើលបំពាន

បិទភ្នែកទ្រាប់ទ្រូងប្រុសផ្សេង

នៅស្ដាយធ្វើអ្វី បើស្រីក្បត់ចិត្តមិនលែង

គួរឈប់ចំបែង ត្រូវក្រែងត្រូវចាំត្រូវណាយ

ចិត្តបួសហើយកុំឡើយស្រមៃ

បួសផ្ដាច់អាល័យ ចិត្តអើយឈប់គិតឈប់ស្ដាយ

បេះដូងចុងស្រល់ ត្រូវខ្យល់រេរាំឆើតឆាយ

ចិត្តអើយសុំណាយ ឈប់ស្ដាយឈប់នឹកស្រណោះ

ពាក្យស្មោះស្នេហា គេរក្សាពិតមិនបាន

គេផ្គើនងងើលបំពាន

បិទភ្នែកទ្រាប់ទ្រូងប្រុសផ្សេង

នៅស្ដាយធ្វើអ្វី បើស្រីក្បត់ចិត្តមិនលែង

គួរឈប់ចំបែង ត្រូវក្រែងត្រូវចាំត្រូវណាយ

ចិត្តបួសហើយកុំឡើយស្រមៃ

បួសផ្ដាច់អាល័យ ចិត្តអើយឈប់គិតឈប់ស្ដាយ

បេះដូងចុងស្រល់ ត្រូវខ្យល់រេរាំឆើតឆាយ

ចិត្តអើយសុំណាយ ឈប់ស្ដាយឈប់នឹកស្រណោះ