فوقعت من آخر دور وقالوا مات
كنت مكانهم كنت هقول نفس الكلام
بس المفاجاة إني قومت وبقيت تمام
في اللحظة دي اكتشفت إني سوبرمان
بجري بفك الزراير إيديا لقدام وأنا طاير
المسلك السما أنا طايل فوق فاشيفكم خرايط
ظاهر بينكم مش متكمر جامد مش محتاج أنمر
مجربتش أبني ولا مرة بعرف بس إزاي أدمر
بس ولقيت الصلب بقى في إيدي صلصال
كل اللي بيجي طريقي بيتصاب
اكرهني براحتك يا حبيبي واتغاظ
تنهش لحمي هتلاقيني جزار
سبكي مسيطر دماغي اللي رمى طوبتي شايطة
نازل صايدك بكل ثقلي شايطك شغلي وده برضو شغلي أيضاً
بدب برجلي تنزل تجري إحرق واغلي مش هتجبني
حب الناس اللي عاملني ماسك فيّ مش بيسبني
جرحي بقى يلحم لوحده لا خلصتوا مني ولا ارتحتوا
كده مبقاش في نحن المصطلح كان واخذ مكان فمسحته
فطلعت لهم ثاني فوق فقالوا عاش
واستنيت الاعتذار منهم ماجاش
الواحد برضو مبيتعلمش ببلاش
والتكرار بيمنع الاندهاش
الشك كان فيّ وكان لازم أقتله اتعلمت بالصبر أبقى بارد وأغلبه
أول ما ألاقي عقارب ع القارب أقلبه مهما كان قيمته مش فارق بدلوا
ياما سمعت منكم كلام واستحملتكم كمان
ولا أقول لكم بلاش هفوركم كلكم مزاد
فاكرة لما كنت لما تقعي بنقذك مش زيك أشوفلك كده أقوم أتبسط
أرجوكم كلامي وصل حذر فظر مين بيتصل
كل ده لسه ببتدي نامي على الشوك واتمددي
عمري ما كنت هشتري طول عمري ببيع زي معمار المرشدي
لا ده أنا ههد وأردم غرقت الشمس نورها طفى
يؤسفني إني أقول لك يا فندم كان بودى إني أقول لك يا قفص
جوافة، جوافة، جوافة قلوبهم ضعيفة وخوافة
كنت فاكرك حاجة طلعت حاجة
كنت فاكرك مت عاش مين شافك
جيت على نفسي وقمت قارص وكل حاجة كنت بحبها طارت
لو ده مكسرنيش يبقى أنا خارق
طول ما اللي خالقني مش بيسبني خالص
كل عقدة جريت منها لما وقعت حصلتني
بس اتضح إن الوقعة كانت أحسن حاجة حصلت لي
لولاها كان زماني انتهيت خلتني كتبت أغاني اتلهيت
مش يمكن دي الوقتِ أكون توهت في دماغي ونسيتني ما تعرفهم ثاني إنت إيه
خارق وأنا مش ضارب الترابيزة اتقلبت خالص
سنة بتعدي وسنة بتماطل مش هنكمل أنا مش ناقص
لو ليك فيها يا زميلي إرجع بظهرك أنا شارع سد
سبت الملعب من زمان ولا، لا مش متابع حد
كل اللي اتبعثر هنلمه شوفت المفتري والدنيا بتذله
مش كنتوا بتتبروا منه اشمعنى دي الوقتِ بتزنوا
