Asal ti Allah mulang ka Allah

Salira miang nedunan papasten Anjeunna

Estu kadar nu nganteur salira

Mulihna ka alam baqa'

Kalayan di jajap ku du'a

Sinareng ku kaikhlasan

Pileuleuyan .. pileuleuyan

Hujan .. ngaririncik

Marengan .. simpena peuting

Ras .. anjeun nu teu aya

Dipundut kunu kawasa

Kabayang .. babanyolanana

Ngalangkang .. tingkah polahna

Karaos pisan kanya'ahna

Asa mo aya gantina

Rasa kasono .. hese mapalerkeunana

Rasa asih jeung katineung

Moal rek sirna ku mangsa

Ngagulung na jero dada

Ukur keclakna cimata

Nu jadi tilam ka eling

Duh .. pileuleuyan

Duh gusti .. nu maha suci

Mugi anjeunna kalebet ..

Ahli surga nu sajati

Kiatkeun nu di kantunna

Tumarima kana kadar

Sing sabar reujeung tawekal

Pidu'a abdi nyarengan

Rasa kasono ..

hese mapalerkeunana

Rasa asih jeung katineung

Moal rek sirna ku mangsa

Ngagulung na jero dada

Ukur keclakna cimata

Nu jadi tilam ka eling

Duh .. pileuleuyan

Duh gusti .. nu maha suci

Mugi anjeunna kalebet ..

Ahli surga nu sajati

Kiatkeun nu di kantunna

Tumarima kana kadar

Sing sabar reujeung tawekal

Pidu'a abdi nyarengan