يا الله إنك لا تواخـذنـي بفـعـل ذنـوبـي

وإغفـر لزلـة لساني ولقـصـور إيـديّ

أنـت يا ربي تعـرف مـرادي ومطلـوبـي

يـوم أطيـح إنـك توقفنـي علـى رجليّ

يا نما لا تمشـي إلا مـا خـذٍ مكتـوبـي

وصلّـه بيـت الكريـم مـعـزّب الطرقـية

صاحبي واللي بـلا صاحـب ولا مصحوبـي

عزتي لـه لـو خذا لـه صاحـب عـارية

حالتي حالة عسـى ربـي يحـل كروبـي

السهـر خـلاّ تحـت عينـي كذا مارية

كل ما جريت صوتي في الخلا راحوبي

لين أشرق دمعتي وأهلها عبرية

يا طبيب أهـل الهـوى كـل الـدروب دروبـي

وإنـت عنـدك حاجـتـي لعلّـهـا مقضّـية

عودنـي مـر وتقهـوى دمي المصبـوبـي

جـدد الفنجـال واقــدع ثـمـرة صفـريّة

يا بعد مـن قـال لي لبيـه ويـن آذوبـي

في إيـديك والـلا نحـرق الـلا بـذوب هنية

بيـن ضلعـيـن تــزم و وادي مسحـوبـي

أجـرد ما بـه شجـر وإن جيته ألقا فيه

من عيونك والرمـوش المسبلـة وأحـوا بـي

ومـن كلامـك يا بـري حالي ويـا ويلـيّـه

إن عطـاك الله جمـال اليوسف اليعقـوبـي

اللهم لا إعـتـراض وسجدتي مثنية