كفايه ربنا العالم بأنك حلو من جوه
وانك لو عملت الخير علشان طال رضاه هو
ما تزعلش ان عابوك بكلام
وعملوا عليك قصص وافلام
ما دام بتنام براحه بال دي حاجه في منتهي القوه
وايه يعني اما هيقولوا ما طول عمر الكلام ببلاش
وطبع الناس لو اديتها عينيك
هتقول ميعجبهاش هتتنكد ما تتنكد
محدش فاضي ولا داري هيتلموا ان لقوك واقف
ولما تميل متلزمهاش
صباح الفل علي عشره مفيس عشره
زمن ولا ودلوقتي المصالح سيف في جاي في مصلحه ولا
امنتلهم وعضوا ايديك وجابوا السيره كدب وزور
وعشمك في الاصول خلاك تنقي خلق م السله
زمن فيه اللي يستجدع عبيط ما يكلش ولا يشرب
وتتعامل بطيبه روح تلاقي اهانه ومزله
يحبوا الطيبين جدا لكن بيشيلوهم طين
ومن بره الوشوش تضحك ومن جوه القلوب كارهين
خساره تعاتب الناقص فيرمي عليك سواد نقصه
اونطه ودايه علي الشله اللي بانوا لبعضهم صافيين
مقصرناش عشان نتعاب ويتقال فينا وقولنا وقال
وياما عاتبنا وتعبنا وبنادن ومش سامعين
فلو جالك هوا من الباب فرد الباب علي صحابه
وعيش بارد تعييش اطول وجسمك تهدي اعصابه
حكم وزمان قالوها كتير ومفهمناش وكنا حمير
مفيش تقدير بدون تقدير ولا في مراره لمناهده
في ناس واقفين علي الوحده ومالوا ما يقفوا ع الوحده
تغور اللمه لو كانت بتيجي علينا بخساره
تغور الضحكه لو طالعه بنيه رديه غداره
يغور الحب لو بنفاق
ولو وياكوا مصلحتي انا اليوم اشتريت راحتي
وبكره هشتري عماره
ابويا الله يسامحه زمان معلمنيش الف ودور
وقالي يا بني في حاجتين تراضي الله وتعيش مستور
ومهما تقابل الطالح ترد بأصلك الصالح
لا تتغير ولا يشدوك وهتوف ياما م ناسك
كتير بيحاربوا ويهدوك وناس تضحك في وشك زور
تلف فيلعنوا اللي جابوك
وناس يرموك وناس يهينوك
ولو بالخير بترضيهم ولو اصلك نضيف يا بني
ف عمر ما يسحبوك ليهم وادينا كبرنا وقابلنا
عنينا وتوهنا وعقلنا ومدينا الايادي كتير
لاهل وصحبه وحبايب
وكل ما قول هيصفوا خلاص الاقي نفسي انا الخايب
الاقي نفسي انا الخايب
بنعقد حبل خير ووصال في حبل عشامهم الدايب
وبرضوا طلعنا زي الطين ولو عيشنا السنين ترضي هنفضل في النظر وحشين
فريح بالك المشغول وعيش مبسوط ولا يهمك
وطبطب انت ع نفسك مفيش ولا حضن هيلمك وداع وبتاع
وايه يعني هعيش وحداني
وايه يعني وما اقرب ناس بتوجعني وواخده وجودي تسليه
هعيش وهبص ع نفسي وخيري هحوشه ليا
ف مع حبي وتقديري مع حبي وتقديري بقول بهدوء وراحه بال
لاي جميل بقلب نضيف ع الراس بالاصول يتشال واقول بردوا
لناس تانيين عاشرناهم وطلعوا عيال مفيش ولا صحه
مفيش ولا صحه ولا مراره انا استغنيت عن الخدمات
وقولوا عليا اي كلام وهعتبر الكلام حسنات
وعجبي
