Yaa rosulallah salammun’alaik…
Yaa rofi’asaaniwaddaaroji…
atfatayaji rotall aalami…
Yauhailaljuu diwaalkaromi…
Yauhailaljuu diwaalkaromi…
Ngawiti ingsun nglaras syi’iran
Kelawan muji maring pingeran
Kang paring rohmat lan kenikmatan
Rino wengine tanpo petungan
Rino wengine tanpo petungan
Duh poro konco priyo wanito
Ojo mung ngaji syare’at bloko
Gur pinter ndongeng nulis lan moco
Tembe mburine bakal sangsoro
Tembe mburine bakal sangsoro
Akeh kang apal Qur’an haditse
Seneng ngafirke marang liyane
Kafire dewe dak digatekke
Yen isih kotor ati akale
Yen isih kotor ati akale
Gampang kabujuk nafsu angkoro
Ing pepaese gebyare ndunyo
Iri lan meri sugihe tonggo
Mulo atine peteng lan nistho
Mulo atine peteng lan nistho
Ayo sedulur jo nglaleake
Wajibe ngaji sak pranatane
Nggo ngandelake iman tauhite
Baguse sangu mulyo matine
Baguse sangu mulyo matine
Kang aran soleh bagus atine
Kerono mapan seri ngelmune
Laku thoriqot lan ma’rifate
Ugo hakekot manjing rasane
Ugo hakekot manjing rasane
Alquran qodim wahyu minulyo
Tanpo tinulis biso diwoco
Iku wejangan guru waskito
Den tancepake ing jero dodo
Den tancepake ing jero dodo
Kumantil ati lan pikiran
Mrasuk ing badan kabeh jeroan
Mu’jizat rosul dadi pedoman
Minongko dalan manjinge iman
Minongko dalan manjinge iman
Kelawan Alloh kang moho suci
Kudu rangkulan rino lan wengi
Ditirakati diriyadhohi
Dzikir lan suluk jo nganti lali
Dzikir lan suluk jo nganti lali
Uripe ayem rumongso aman
Dununge roso tondo yen iman
Sabar narimo najan pas pasan
Kabeh tinakdir saking pengeran
Kabeh tinakdir saking pengeran
Kelawan konco dulur lan tonggo
Kang podho rukun podho trapsilo
Iku sunnahe Rasul kang mulyo
Nabi Muhammad Panutan Kito
Nabi Muhammad Panutan Kito
Ayo nglakoni sakabehane
Allah kang bakal ngangkat drajate
Senajan ashor toto dhohire
Ananging mulyo maqom drajate
Ananging mulyo maqom drajate
Lamun palasatro ing pungkasane
Ora kesasar roh lan sukmane
Den gadang Allah swargo manggone
Utuh mayite ugo ulese
Utuh mayite ugo ulese
