كلثوم منام بصري مفتاح الدار

أنا من هواها خلاص فنيت

هكذا كاتبا و شاءتلي لقدار

من غيرها في حياتي ما حبييت

Kelthom كلثوم

Kamel Messaoudi كمال مسعودي

Par Rahimpaco

كلثوم منام بصري ذيك المسرارا

وحزامها سود لجيها طلقاتو

قدها صغير والخانة دارت إمارة

و شعرها طويل لحواشي مشطاتو

الخد والعيون تضوي كي النوارة

الشفر بالكحل والحاجب سواتو

اللي يشوفها يتلف باب الدار

و يقول في حياتي عمري ما ريت

زينها ساقني في الطريق كي العيار

شحال جريت موراها شحال عييت

كلثوم منام بصري مفتاح الدار

أنا من هواها خلاص فنيت

هكذا كاتبا و شاءتلي لقدار

من غيرها في حياتي ما حبييت

كلثوم حين تتبسم بالتبسيمة

العيون كلها و عناصر تسيل

السما يومها تبقى زرقة ديما

والشمس كي توادعها حين تميل

و إذا بان القمر يعطيها قيمة

و النجوم كي تضوي عليها في الليل

كلثوم حين تضحك تفرح لأطيار

الحمام و اليمام والمقنين الزين

الباز و البلابل تشعر بأشعار

لأطيار كلهم راهم فرحانين

كلثوم منام بصري مفتاح الدار

أنا من هواها خلاص فنيت

هكذا كاتبا و شاءتلي لقدار

من غيرها في حياتي ما حبييت

الكاف كاملة بزين الكمال

اللام لون ذاك القد المشموم

الثاء ثوبها ما يتشرى بالمال

الواو ورد مسك وريحو مختوم

الميم مايلة تسلب الرجال

يحسن قول من سماها كلثوم

زينها فاق زين عروسة البحار

ماكان من قدر ينظرها بالعين

صورة مصورة ما رسمها صوار

سبحان ما خلق رب العالمين

كلثوم منام بصري مفتاح الدار

أنا من هواها خلاص فنيت

هكذا كاتبا و شاءتلي لقدار

من غيرها في حياتي ما حبييت

قلبي سجين هواه حليلو معذور

ما صاب باش يرجعلي لمكاني

اللي يشوفني يحسبني مسحور

السهم صابني في حشايا دخلاني

بحر الغرام ما يوصلوه بحور

ما يفيد رايس ماهر ولا قرصاني

ماني عوام ماني رايس بحار

بالله ساعفوني أنا قلبي حنين

ماكان غيرها يطفي هاذ النار

نسعد حين نلقاها طول سنين

نسعد حين نلقاها طول سنين

كلثوم منام بصري مفتاح الدار

أنا من هواها خلاص فنيت

هكذا كاتبا و شاءتلي لقدار

من غيرها في حياتي ما حبييت

نمدح في بهاها ونقول قليل

يا أهل الكلام فيدوني راني ليها

دموعي سواقي و ويدان تسيل

سبابي كي راني بعيد عليها

خاطري ما تهنى والقلب عليل

جوارحي ذبالت شكون يداويها

ما فاد طبيب ماهر ولا عقار

لا حكيم لا طالب حافظ الستين

إذا نشوفها مصبوغة الأشفار

نقوم من فراشي نبرا في الحين

زعما قلت نكتم سري في بير

و أسراري ماكان من يعلم بيها

و إذا بغيت نمشي ليها ونسير

في جنح الظلام نطير و ناديها

نقطع البحور و الويدان و الدير

الجبال و الغوابي باش نساميها

لكن ما قدرت نكتم الأسرار

شحال هولوني ذوك العينين

راهي جوارحي مكوية بجمار

باقي وحيد صابر والقلب حزين

كلثوم منام بصري مفتاح الدار

أنا من هواها خلاص فنيت

هكذا كاتبا و شاءتلي لقدار

من غيرها في حياتي ما حبييت

الورد والزهر النسري و الياس

الياسمين فاتح مسك و ريحان

نوار الربيع صفراوي عساس

الفل و القرنفل زينو فتان

من شاف زينها ميز فيه وقاس

لا لوم لامني و ضحى دهشان

الفجر حين يطلع حاكم الأوتار

بقصايد الهوى و دموع الخدين

الناس نايمة و أنا نعاسي طار

بين الأوزان ونظامي يا سامعين

أنا لشوقها ما صبت ليه حدود

ما عرفت روحها سكنت في الضمير

ما طابلي معاش و نفسي مسدود

نرجى في سراحي كي سجن الطير

من شاف سيرتي يفهم المقصود

ناوي إن شاء الله سوى طريق الخير

ناظم ذي القصيدة كمال الصبار

و نختمها بالصلاة على الأمين

هو شفيعنا من هول ذاك نهار

و كريمنا بالجنة وحور العين

كلثوم منام بصري مفتاح الدار

أنا من هواها خلاص فنيت

هكذا كاتبا و شاءتلي لقدار

من غيرها في حياتي ما حبييت

من غيرها في حياتي ما حبييت

من غيرها في حياتي ما حبييت

من غيرها في حياتي

ما حبييي يييييي يييييت

شكرا