رايح مرهون

رايح مرهون على الهمية خضرة اللون

مسلسل مسجون ومنسي في غواني

Rayah Merhoun رايح مرهون

Kamel Messaoudi كمال مسعودي

Par Rahimpaco

سبابي هيا

سبابي هيا تخلويني صبحة وعشية

دارت عليا ما كان شكون ينجيني

ذيك البلية

ذيك البلية قبيحة في افعالها وقوية

كي حليت عينيا ماعرفت اش من واد داني

كثرت السية

كثرت السية مع الجيران ومع والديا

خسرت النية عند الّي كانو يعزوني

رايح مرهون

رايح مرهون على الهمية خضرة اللون

مسلسل مسجون ومنسي في غواني

خلوتها زينة

خلوتها زينة عندها النشوة شحال بنينة

ساعات تنسّينا وساعات نقول أنا واش بلاني

حشيشة حنينة

حشيشة حنينة تدي للهلاك يا اخينا

الله يعفو علينا

قول ربي ان شاء الله يهديني

طبيعة شينة

طبيعة شينة إذا حكمت ما تحن علينا

للموت تدينا هنا ولهيك تضحى خسراني

رايح مرهون

رايح مرهون على الهمية خضرة اللون

مسلسل مسجون ومنسي في غواني

يا ربي يا قهار

يا ربي القهار خرجنا من هاد القيفار

ذريات صغار عادوا ينفرو عيناني

واشن هاد العار

واش هاذ العار دخل بلادنا بالقنطار

ما بقات عيار تخلطت أمة العدناني

شبان كبار

شبان كبار هاملين في هوى هاذ القيفار

ضحاو بلا دار لا خدمة شبعو المحاني

رايح مرهون

رايح مرهون على الهمية خضرة اللون

مسلسل مسجون ومنسي في غواني

يا الغاوي اخطيك

يا الغاوي اخطيك هاذ الهلاك غير ارمي عليك

شوف ما يليق بيك، تبع اقوال الرحمانِ

يا يما يزيك

يا يما يزيك من البكاء نشفو عينيك

نعيا ونجيك وانا من هاذي بركاني

دعوة والديك

دعوة والديك هي النجاة من هاذي وهاذيك

ما يغفلو عليك، الطاعة ليهم بالاحسان

رايح مرهون

رايح مرهون على الهمية خضرة اللون

مسلسل مسجون ومنسي في غواني

يا يما ذقتي العذاب

ذقتي العذاب وأنا الّي كنت ليك سباب

خطيت الصواب يا كيتي أنا واش داني

خسرت لحباب

خسرت حباب، وينهم هذوك الأصحاب

غلقوا لبواب خلاوني هايم وحداني

يا الله يا وهّاب

يا الله يا وهّاب، ظهرلي طريق الصواب

يوم الحساب أغفرلي أنا ولداني

رايح مرهون

رايح مرهون على الهمية خضرة اللون

مسلسل مسجون ومنسي في غواني

مسلسل مسجون ومنسي في غواني

مسلسل مسجون ومنسي في غواني

مسلسل مسجون ومنسي في غواني

آش داني

شكرا