මේ රාත්රි යාමේ

සුසුමන් මිදෙන සීතේ

තනිවී අන්ධකාරේ

පතනා උණුහුමයි ඒ

එළියක් සඳ නිසා අඳෙනු දකිනෙමි

කළුවන් වලා පරදනා

සුළඟක් වඩින තුරු මඟබලා ඉමි

සඳවත දෙනෙත හමුවනා

ඒ සොඳුරු සීතේ

මා පතන ලෝකේ

කෙළෙස මා සොයම්දෝ

සඳවතේ

මේ නිල් ජලාසේ

කුසුමක් සොයන දෑසේ

මිදෙනා කඳුළු අතරේ

පතනා සැනසුමයි ඒ

පර මල් විලක රොන් රස සොයා යන

මේ දිගු ගමන නිමවෙනා

මධු රොන් පිරුණු නුඹේ වත හමුවන

දින ගැන පැතුම් පීදෙනා

මේ අඳුරු යාමේ

මා සැමට රහසේ

ඇදෙමි ඒ සිත් මලේ

රොන් සොයා

දහසක් කළු වලා අතර මෙතුවක්

හද පැතු එළිය සැඟවෙනා

සුළඟක් අවැසි නුඹේ උව දකිනට

සුළඟක් මවනු කෙළෙස මා