shady_star23
برقوقة :ستي حمد لله على السلامة يا ستي يا روحي يا ستي.
حماتي :انت يا بت انطرشتي!
نايمة على ودانك!
ما بتفتحيش قوام ليه!
انفتحت في نفوخك طاقة ..
برقوقة : اصل بس يا ستي!
حماتي :اقعدي! بس هولك ما دوقتيه
ساعتين اضرب الجرس
واخبط وارقع وانت ولا معبراني ولا حاجة!
برقوقة :حقك علي يا ست!
حماتي :جاتك كسر حقوقك!
هو ما دام الحال في البيت دا معووج
هتبقي انت اللي عدلة!
برقوقة :ابوس راسك يا ستي!
حماتي :لا راسي ولا رجلي جاك وجع في راسك!
خدي. ...اترزعي!
برقوقة :اترزعت يا ستي!
حماتي :خدي! لو انك ما تستاهليهمش!
اهي خدي
برقوقة :ليه بس يا ست!
دول حلوين خالص!
تعيشيلي يا ستي!
حماتي :بقى يا خاينة!
لا تبعتي لي جواب
تحكي لي فيه عن احوال ستك ويا سيدك
عايشين ازاي? عاملين ايه?
ما خلفوش لحد دلوقتي ليه?
برقوقة :ما سألتهمش يا ستي.
حماتي :امال انا جايباكي هنا تعملي ايه?
جاتك نيلة في خيبتك
خدي الشنطة دي طلعيهالي اوضة النوم.
برقوقة:اوضة نوم ستي ولا اوضة نوم سيدي?
حماتي :يا نايبتي!
لا هو كل واحد فيهم بينام في اوضة لوحده!
برقوقة :الموضة كده يا ستي!
حماتي :ها اتاريهم ما بيخلفوش
ولا يمكن ناويين يخلفوا لاسلكي!
قطيعة الواحد دمه فار.
واظن كمان لا بيتخانقوا مع بعض ولا بيتناقروا
برقوة :ابدا ابدا يا ستي.
حماتي : كبدي يا بنتي
ماهو الخراب جاي من هنا.
برقوقة :ازاي يا ست?
حماتي :هو الراجل ان ما كانش يتخانق مع مراته.
والست تتناقر مع جوزها.
يبقى فيه ما بينهم عمار. يبقى فيه حب
الخناق والنقار دول فيتامين الجواز.
الشطة والفلفل هم اللي بيشعللوا الحب.
اسأليني انا ..انا مدوباهم اتنين
برقوقة :بالشطة والفلفل يا ستي!
حماتي :امال! طب ده انا وابو سامية كنا نتخانق في اليوم
تلات اربع مرات.
اصبحه وهو يمسيني
اغديه وهو يعشيني.
برقوقة :ما كنتوش بتفطروا يا ستي?
حماتي :اههاها. كنا نفطر ونتسحر يا بت.
اسأليني انا....انا مدوباهم اتنين.
برقوقة :لكن ستي وسيدي هيتخانقوا بسبب ايه يا ستي?
حماتي :ما دمت انا موجودة هتتخلق الاسباب
ده انا مصيبة
ده انا حقنة. ده انا
برقوقة :مدوبة اتنين بالفلفل والشطة يا ستي
190 রেকর্ডিং
