Ауылда өстім, шаңына аунап еркелеп,

Ұядан ұштым, қатайды қанат ертерек.

Асығып алда бақытым күтіп тұрғандай,

Армандар асқақ, қиялдар қилы жетелеп

Қаланың мынау тамаша сайран-сауығы

Жолдарын жуған нөсерлі жылы жауыны.

Бәрі де ғажап, сағынған кезде бірақ та,

Аңсадым ауыл, іздедім сені ауылым.

Ауылым, аңсадым аппақ таңынды,

Тұнық кешіңді, алма бағыңды.

Өзіңе барып қуып сағымды,

Іздеймін бала, балғын шағымды.

Достармен бірге саялап саябақтарын,

Шаттыққа толы өткізіп қызық шақтарын.

Жадырап, жайнап өтсе де жарқын күндерім,

Ауылды аңсап жаныма сая таппадым.

Ауылым, аңсадым аппақ таңынды,

Тұнық кешіңді, алма бағыңды.

Өзіңе барып қуып сағымды,

Іздеймін бала, балғын шағымды.

Көңілде тұрған жауап жоқ сансыз сұраққа,

Өзіңді іздеп кеттім ауылдан жыраққа.

Ғашық болсам да қаланың айлы кешіне,

Ауылға туған жетпейді екен бірақ та.

Ауылым, аңсадым аппақ таңынды,

Тұнық кешіңді, алма бағыңды.

Өзіңе барып қуып сағымды,

Іздеймін бала, балғын шағымды.

Ауылым, аңсадым аппақ таңынды,

Тұнық кешіңді, алма бағыңды.

Өзіңе барып қуып сағымды,

Іздеймін бала, балғын шағымды.

Ла на на ла на на ...

Ла на на ла на на ...