ഇരുൾമഴയിൽ നനയുകയായ് മെഴുതിരിതൻ നാളം

നിഴലുകളിൽ പടരുകയായ് നിണമുതിരും താളം

ചുവടിലിഴയാം മരണനാഗം

ഇടറിവീഴാം പഥികവേഗം

ഇടയിൽ നിൻവഴി തുടരുക പോരാട്ടം

ഇരുൾമഴയിൽ നനയുകയായ് മെഴുതിരിതൻ നാളം

നിഴലുകളിൽ പടരുകയായ് നിണമുതിരും താളം

മനസ്സിലുരുകും മഞ്ഞിൽ മൂകം മിഴികൾ നിറയുമ്പോൾ

മറവിൽ മുരളും രാവിൻ കൈകൾ മുനകൾ നീട്ടുമ്പോൾ

ഉലയിൽ നീറുമീ ചെങ്കനലടരിൽ

നിഴല് വീഴുമീ വെൺമുകിൽ വാനിൽ

തെളിയുവാൻ തടവുകൾ

തകരുവാൻ തുടരൂ പോരാട്ടം

ഇരുൾമഴയിൽ നനയുകയായ് മെഴുതിരിതൻ നാളം

നിഴലുകളിൽ പടരുകയായ് നിണമുതിരും താളം

മൊഴിയിൽ അടരും മുള്ളിൻ നോവിൽ

കരള് മുറിയുമ്പോൾ...

മഴയിലുതിരും മൗനം കാറ്റിൽ, വഴുതി വീഴുമ്പോൾ

ചതികൾ മൂളുമീ, മൺ വഴിയരികിൽ

കൊതികൾ മൂടുമീ, ചെം ന്നിണനാവിൽ

ഒഴുകുവാൻ മുറിവുകൾ തഴുകുവാൻ, തുടരു പോരാട്ടം

ഇരുൾമഴയിൽ നനയുകയായ് മെഴുതിരിതൻ നാളം

നിഴലുകളിൽ പടരുകയായ്, നിണമുതിരും താളം

ചുവടിലിഴയാം മരണനാഗം

ഇടറിവീഴാം, പഥികവേഗം

ഇടയിൽ നിൻവഴി തുടരുക പോരാട്ടം

ഇരുൾമഴയിൽ നനയുകയായ് മെഴുതിരിതൻ നാളം

നിഴലുകളിൽ പടരുകയായ്, നിണമുതിരും താളം