عزوني يا ملاح في رايس البنات
= سكنت تحت اللحود ناري مكديا
قلبي سافر مع الراحل حيزية
عزوني يا ملاح في رايس البنات
= سكنت تحت اللحود ناري مكديا
قلبي سافر مع الراحل حيزية
(مع بعض) عزوني يا ملاح في رايس البنات
= سكنت تحت اللحود ناري مكديا
قلبي سافر مع الراحل حيزية
Music FDL
يا حسراه على قبيل كنا في تاويل
= كي نوار العطيل شاو النقضيــــا
قلبي سافر مع الراحل حيزية
ما شفنا من دلال كي ظي الخيـال
= راحت جدي الغزال بالجهد عليــا
قلبي سافر مع الراحل حيزية
ما نشكرش البــــاي جرد ياغــناي
= بنت احمد بالباي شكري وغنايا
قلبي سافر مع الراحل حيزية
طلقت ممشوط طاح بروايح كي فاح
= حاجب فوق اللماح نونين برية
قلبي سافر مع الراحلة حيزية
عينك قرد الرصاص حربي في قرطاس
= سوري قياس في يدين الحربيا
قلبي سافر مع الراحلة حيزية
(مع بعض) عزوني ياملاح في رايس البنات
سكنت تحت اللحود ناري مقدية
عقلي سافر مع الراحل حيزية
MUSIC FDL
في واد "يتل" نعيد حاطين سمـاط فريد
= رايســة الغيد ودعتني يا خويا
قلبي سافر مع الراحل حيزية
ين موتها و الكلام غي ثلاث أيـــــــــام
= بقاتني بالسلام و مــا ولات ليــــــــــا
قلبي سافر مع الراحلة حيزية
ثلاثة و عشرين عـام في عمر أم حرام
= منها راح الغرام ما عاد شي يحيـــــا
قلبي سافر مع الراحلة حيزية
في ذي الليلــة وفات عادت في الممات
= كحل الرمقات ودعت دار الدنيـا
قلبي سافر مع الراحل حيزية
لضيتها لصدري ماتت في حجري
= و دمعة بصري على خدودي جراية
قلبي سافر مع الراحل حيزية !
MUSIC
خطفت عقلي راح مصبوغة الألمـاح
= بنت النـــــاس الملاح زادتني كيـا
قلبي سافر مع الراحل حيزية
حطوهــــا في كفــان بنت عالى الشان
= زادتني حمان نفضت مخ حجايا
قلبي سافر مع الراحل حيزية
ماتت موت الجهاد مصبوغة الأثـماد
= قصدوا بها بلاد خالد مسميـــا
قلبي سافر مع الراحل حيزية
FDL FDL FDL FDL
عشات تحت اللحاد موشومة الأعضـاد
= عين الشراد غـابت على عينيا
قلبي سافر مع الراحلة حيزية
ياحفـار القبور سايس ريم القور
= لا تطيحش الصخورعلى اللي بيا
قلبي سافر مع الراحلة حيزية
داروها في القبر والشـاش معجر
= تضوي ضي القمر فليلة عشريــــا
قلبي سافر مع الراحلة حيزية
حلفتك بالكتـاب و حروف الوهـاب
= لا تطيحش التراب فوق حيزية
قلبي سافر مع الراحلة حيزية
ربي اجعل الحيــاة ووراها الممـــــات
= سكنت تحت التراب قرة عينيا
قلبي سافر مع الراحلة حيزية
(مع بعض) عزوني ياملاح في رايس البنات
سكنت تحت اللحود ناري مقدية
قلبي سافر مع الراحل حيزية
FDL FDL FDL FDL
لوان تجي للعناد ننطح ثلث عقـاد
= نديها بالزنـــــاد عن قوم العديـا
قلبي سافر مع الراحلة حيزية
كي عـــاد أمر الحنين رب العالمين
= لا لقيت لهــــا منين نقلب حيـا
قلبي سافر مع الراحلة حيزية
صبري صبري عليك نصبر حتى نـاتيـك
= نتفكر فيك يا ختي غير انتيــا
قلبي سافر مع الراحلة حيزية
نبكي بكـي الفراق وبكي العشـــــــــــــــاق
= زادت قلبــــي حراق خوضت مايـــا
قلبي سافر مع الراحلة حيزية
يــــا عيني واش بيك اتنوح لا تشكي
=على فرقـــــة الأحباب مـــا تصبر عينيـــا
قلبي سافر مع الراحلة حيزية
FDL FDL FDL FDL
الشمس الى ضوات طلعت و تمســـات
= خسفت بعد أن سوات وقت الضحويــا
قلبي سافر مع الراحلة حيزية
القمر الى يبان شعشع في رمضـــــــان
= جــاه الميســـان طلب وداع الدنيــــــــا
قلبي سافر مع الراحلة حيزية
هذا حكم الا له سيدي مول الجــــاه
= ربي نزل قضـــــاه و ادى حيزيــــــــــا
قلبي سافر مع الراحلة حيزية
صبرني يـــــا الله قلبي مــات بـــداه
= حب الزينــــة اداه كي صدت هيــــــــــا
قلبي سافر مع الراحلة حيزية
تسوى خيـل الشليل و نجمة الليــل
= فاختي قليل قليل طبـي و دوايـــــــا
قلبي سافر مع الراحلة حيزية
نستغفـــــر للجليـل يرحم ذا القليـل
= يغفرلي لي يعيل سيدي و مولايــــــــــا
قلبي سافر مع الراحلة حيزية
FDL FDL FDL FDL
عزوني يــــا اسلام في ريمـــــة الاريــــام
= سكنت دار الظلام ذيك الباقيــا
قلبي سافر مع الراحلة حيزية
عزوني يا صغار في عارم الاوكــــار
= ما خلات غير دار عادت مسميـــا
قلبي سافر مع الراحلة حيزية
تمت يا سامعين في الألف وميتين
* كمَّـل تسعين وزيد خمسا باقيــــــــــــا
قلبي سافر مع الراحل حيزية
في خــالد بن سنـان بن قيطون فلان
= قال على اللي زمان شفناها حيا
وقلبي سافر مع الضامر حيزية
عزوني يا ملاح في رايس البنات
= سكنت تحت اللحود ناري مكديا
قلبي سافر مع الراحل حيزية
(1295هـجري 1878ميلادي)
محمد بن قيطون
