رفع وتنسيق
﮼بااسم
يا حسراااه عليك يا دنيا
فيك حكايا و حكايات
ساميني و اقعدي حدايا
و احكيهملي في ثبات
علاش هكذا حاقدة و سمية
تظلي تبدلي في الصفات
تعذبي فيا غير بالشوية
عييت من عذابك براكات
تلعبي بيا ولا معايا
جاوبيني علاش هاذ السكات
قالولي عليك مسرحية
أنا المسرح سكنلي في الذات
التذكرة خلصتها غالية
ديت معايا شي وردات
دخلت للقاعة صفقوا عليا
طلع الستار و الضوء طفات
لقيت روحي في تمثيلية
و الديكور خوف و دمومات
طمعتيني و دُرتي عليا
عندي جدي بصح مات
يا حسراااه عليك يا دنيا
فيك حكايا و حكايات
ساميني و اقعدي حدايا
و احكيهملي في ثبات
علاش هكذا حاقدة و سمية
تظلي تبدلي في الصفات
تعذبي فيا غير بالشوية
عييت من عذابك براكات
شحال من سلطان كان في دنيا
جيوش لأمرو طايعات
مال وعز قصور و سرايا
العسة عليه بالأألوفات
غفل غفلة انقلبت الحية
في ليلتو ما صاب وين يبات
ذوقتي فلان عسل و فاكية
و فلان شمختيلو الفتات
فلان حرمتيه من الذرية
و حياتو من الفرحة خوات
فلان طلق زوجتو المسكينة
زعف لما جابتلو البنات
يا حسراااه عليك يا دنيا
فيك حكايا و حكايات
ساميني و اقعدي حدايا
و احكيهملي في ثبات
علاش هكذا حاقدة و سمية
تظلي تبدلي في الصفات
تعذبي فيا غير بالشوية
عييت من عذابك براكات
المسجون يرجع الحرية
بالدقيقة يحسب الاوقات
الشهار يحلم بالشهرية
يا حليلو مول الوليدات
كبدة لميمة مشوية
واش سهرت و واش ربات
على وليدها بدل الجنسية
عجبو زين الروميات
خلا يماه وحدانية
من البكا و الحرقة انعمات
باش يبين الرجولية بعثلها زوج محرمات
يا حسراااه عليك يا دنيا
فيك حكايا و حكايات
ساميني و اقعدي حدايا
و احكيهملي في ثبات
علاش هكذا حاقدة و سمية
تظلي تبدلي في الصفات
تعذبي فيا غير بالشوية
عييت من عذابك براكات
يا حسراااه عليك يا دنيا
يا حسراااه عليك يا دنيا
﮼بااسم
