Mayroon pa lang matiwasay na klase ng pag-ibig

Hirap kasi na maniwala lalo na

Na galing ako sa masamang panaginip

'di na kailangang bumuka pa yung bibig

Parehas yung takbo ng utak, sabay yung pintig

Ng puso kaya sagad sa buto damang kilig

Magkabiyak na bunga, nahinog nang 'di pilit

Nilalanggam na sa tamis, maulan kasi

Ng masustansiya mong halik, hitik na hitik

Paborito kong gawin sa bisig mo magsumiksik

Habang sinusulyapan mga mata mong marikit

Mapapagkatiwalaan

Maasahan mo aking katapatan

Tutupad ako sa ating usapan

Litrato nating dalawa sa'ting tahanan

Ikaw at ako

Walang iba tayo

Ikaw at ako

Walang iba tayo

Mayroon pa lang matiwasay na klase ng pag-ibig

Ngayon na natamasa

Tanging nais ko sa piling mo ay manatili't manahimik

Ating ginagalawang mundo ay parang malaking hardin

'di na para tumanaw at tumikim pa ng ibang tanim

Maipapangako mo kaya sa'king gano'n ka rin?