MAHALEO - FARIBOLANA

(Ranto Roméo)

Olona samihafa loko ,

samihafa firazànana

Tsy tia mitsitokotoko

fa mifandray tànana

Samy leo sy mahatsapa

fa ratsy ny mizarazara

Ka aleo iray lapa

mitovy zo mitovy anjara

Ireo tanana izay mifandray

toa sarotra sarahina

Toa miloko rano iray

tsy hita ho havahana

Toy ny ankizy miara milalao ,

toa lavitry ny olana

Jereo ireto izy malaina hifandao

manao faribolana

INSTRU...

Dia mihodina tsy misy fiafarany

miodidina fitiavana

Fa tsara sy mamy aok’izany

izany hoe mifampihavana

Hadino hoe Rakoto ilay mavomavo ,

Rabe ilay manana

Fa samy hazoto hanandratra avo

Ny hiram-pihavanana

Jereko ny manodidina ahy

toa mianjona mangarika

Antsoiko hoe ndao isika hiray

tsy misy voasarika

Fa misy ny loko tsy mety hifangaro,

misy harena tsy hihavanana

Dia mitsitokotoko miala amin’ny maro

ireo fotsy sy ireo manana

-------Mankasitraka--------