مصيبة الدنيا من تدور و تخلي السبع ينذل
و ابو النفس العزيزة يكوم بالمايسوى يتوسل
المابيه خير يحجي عليك و البيه خير ما يسأل المو رجال ع الرجال يتمرجل
هاي الناس عمية عين الاعوج صار عدهم زين و يذمون المعدل
الخاين هالوكت مرتاح بس الطيب مبهذل
دخيل الله شحملنا هموم كل غروب نتبلل
سهرانين من الضيم ويكولون نتعلل
بشر مو انبياء الله حتى هواي نتحمل
هاي الناس ما تنجاس اسقيها بوفى و تذبل
الما وكفولي وكت الضيج دين اعليهم مسجل
و هي المشكلة ما بيهم اليخجل
بعد ما اعاتب اي انسان طبعه وياي يتبدل
و كلمن يوصله البسمار خل يتوكل و يزعل
