دير بالك على امك يالبعدها وياك
ومو فوق الظهر ع الراس خليها
دنيا بلايا ام ما تسوى بيها نعيش
شلي بهيج دنيا وامي ما بيها
يام قلب ينضح محنة ... ويام سوالف دافيه
ويام دمع يجري على كلشي
... الجنة حدرج خافيه
الدنيا لو ما نور وجهج
... عندي ظلمه وطافيه
يمه مدغوشة النوايا ... وانتي نيتج صافيه
يمه يمه الخبزة من ايدج
لذيذة وبيها كل العافيه
يمه من كون نتمرض
يمه من كون نتمرض ... لزمت ايدج كافيه
اتغربت يا يمه يا يمه يا يمه بعدج
بالغرب شفت العجايب
وصبت الدنيا على راسي
اشكال واصناف المصايب
علمتني يمه علمتني
علمتني الغربه يمه ...
الماله ام بالكون سايب
وعلمتني الغربه يمه ...
الماله ام ماله حبايب
زاد امك ما تطبخه ... طابخه بجدر النوايب
وبيوت ما بيها امهات
... بيوت مهجومه وخرايب
تــــــلالـــــــي
الدهر جر هرش من قلبي تلالي
وغابت نجمتي الجانت تلالي
ذكرت امي
ذكرت امي وعلي جانت تلالي
دللووووول يالولد لالت عليه يمه
يمه يا يمه يابعد روحي يايمه
