Білмеймін, жанарыңнан сыр ұқтым ба,

Әлде сені сол сәтте ұмыттым ба.

Өзің болдың әйтеуір бұл күнгі әнім,

Көтеріп ап кетіп ең бұлқынбадым,

Аймалауыңа, аймалауыңа құнықтым ба?

Өзің болдың әйтеуір бұл күнгі әнім,

Көтеріп ап кетіп ең бұлқынбадым,

Аймалауыңа, аймалауыңа құнықтым ба?

Білмеймін, құшағыңда дір еттім бе,

Алып ұшып барады жүрек мүлде.

Ойлағым да келмеді ештеңені,

Ерте ме әлде білмедім кеште ме еді,

Тек ұққаным: жан бірге, тілек бірге

Ойлағым да келмеді ештеңені,

Ерте ме әлде білмедім кеште ме еді,

Тек ұққаным: жан бірге, тілек бірге

Сезімімнің қақпасын дара қақтың,

Шуағыңды бойыма аралаттым.

Бақыт болып мәңгіге келіп бірге,

Ағыл-тегіл сезіммен еріттің де,

Өзің маған өзім боп бара жаттың.

Бақыт болып мәңгіге келіп бірге,

Ағыл-тегіл сезіммен еріттің де,

Өзің маған өзім боп бара жаттың.