ปื๋นบ่เต๋มแหล้ง
บ่กวนไปล่าเดินดง
เงินคำบ่เต็มถง บ่สมกวนไปก๊า
เผื่อฮู้ปอวาย เผื่อขวายปอหล้า
ชีวิตป้อก๊ามันลำบากแต๊หนอ
เจ้าหมู่มาจวนกั๋นลึกลึก
ตัดสินใจไปฝึกเป๋น อปพร
นอเจ้าแม่นอ
เป๋น อปพร เท่ห์เหมือนตำหนวด
เปื้อความผาสุกของปี้น้องนั่นหนอ
อปพรขับรถไปกวด
ตึ้งป้อหลวงกำนัน
กับเจ้าหน้าที่ตำหนวด
ปากั๋นไปกวด ตรวจตร๋าคืนฮุ่ง
นอนาย หน้าตี้มีนักหน้าตี้ก่อมีหลาย
จะขอสาธยายหื้อญิงจายเจ้าหมู่
ไฟไหม้ไฟลามก๋านงานตี้ไหน
ฮ้องก้าป้องกันภัยไผๆก่อฮู้
มันเป๋นเรื่องจริงบ่ใจ้หลิ่งหลู้
มาจ๋ามาอู้มาแป๋งดีใส่ต๋น
แจ้งมาก่อต้องไปโบกรถ
ออกบ้านกั๋นซ๊ดๆ ตึงรถเครื่องรถยนต์
ทนเจ้าปี้ทน อปพรกู้คนต้องอดทน ว 4
จับใจ๋หมูบ่จูใจ๋เผิ้ง
จับใจ๋มองเซิงบ่เปิงเงี้ยวว่าอี้
จาวบ้านบางคนว่าท่านั้นท่านี้
บ่ตั้ดใจ๋น้องปี้เขาก่อแจ้งก่อด่า
อดเอา สละด้วยใจ๋จะว่าใดจ้างเขา
พ่องก่อว่าเฮาเมา ว 2 ว 4
จับใส่บางพ่องฮ้องว่าตำหนวดเหมย
เป๋นว่าเขาบ่าเกย
มายืนตากเหมยแบบนี้
อาสาสมัครเป๋นเจ้าหน้าที่
อันเรื่องอย่างอี้
ต้องตากแดดตากเหมย
ปอยหลวงงานแต่งบ้านศพ
ฮักษาความสงบจะต้องไปอย่างเวย
เวยเจ้าแม่เอย บ่ใจ้ตำหนวดเหมย
ไผจะเกยสอดส่อง
ขี้เหล้าตกน้ำคนจะข้ามถนน
อปพรกู้คนต้องอดทนปกป้อง
ตากแดดตากฝนทนหนาวทนฮ้อน
บรรดาปี้น้อง
ขออย่ามองเป๋นอย่างอื่น
นอนาย ขอจงเข้าอกโปรดจงเข้าใจ๋
หน่วยป้องกั๋นภัย
ยอมเสี่ยงต๋ายแตนท่าน
