عمل غنائي خليجي مشترك

لعائلة : Mido🌍Radwan💞

☞ المغنيين ☜

🇶🇦AL-SHAHEEN🇶🇦🌠🌠

🌠🌠غ֠زﯛ̲୭ل֠ةգuꂅꂅՈ💐‏‏

faysal„🌠🌠

♩ ♪ ♫ ♬

🇶🇦AL-SHAHEEN🇶🇦

ألا ليت الزمن يرجع

ورى ولا الليالي تـدور

ويرجع وقتنا الأول

وننعم فـي بساطتنـا .

زمان اول احس انه

زمان ٍ فيه صـدق شعـور

نحب ونخلـص النيـه

وتجمعنـا محبتنـا .

زمن ما فيه لا غيبـه

ولا حتـى نفـاق وزور

ياليته بس لو يرجع

ونسترجـع طفولتنـا .

صغار قلوبنا بيضا

نعيـش بعالـم ٍ محصـور

ولا نعْرف أبد أغراب

ما غير عيال حارتنا ...

♩ ♪ ♫ ♬

🌠🌠غ֠زﯛ̲୭ل֠ةգuꂅꂅՈ💐‏

صحيح صغار فالتفكير

لكن ماعلينـا قصـور

نخطط نكسر اللعبـه

وتسعدنـا شقاوتنـا .

نروح المدرسه بدري

ونضحك داخل الطابـور

نحاول نزعج العالم

في روحتنـا وجيتنـا .

وعشان نأخر الحصه

نخبـي علبـة الطبشـور

نشاغب بـس فالآخـر

تميزنـا برائتنـا .

نحب الضحك والهيصه

نحب انط فوق السـور

نفرفش ليه مانفرفش

مدام الضحك عادتنـا ...

♩ ♪ ♫ ♬

faysal„🌠🌠

ولكن دارت الأيـام

وبـان الخافـي المستـور

وصار الهم متعلّي

علـى قمـة سعادتنـا .

كبرنا وصارت الدنيا

تصف أحزاننـا بالـدور

وتهدينا الألم والهم

غصب عن عين رغبتنا .

تعبنا من بلاوينا

أحـد ضايـق وأحـد مقهـور

وكـل ٍ غـارق بهمـه

وفالآخـر تشتتنـا .

وانا ما أقول غير إلا

ياليت إن الزمـان يـدور

ويرجع للورا فتره

نعّدل وضع عيشتنـا ..

الكل ☜ ألا ليت الزمن يرجع

ورى ولا الليالي تـدور

ويرجع وقتنا الأول

وننعم فـي بساطتنـا ....

:: أخوكم : الشـــاهين ::

عائلة : Mido🌍Radwan💞