اوعى تفكر رح انساكي يوما ما
ودور عغيرك بهالدنيا اللئيمة
مزبوط بقيت عايش انما
عايش بعدك بدنيا حاسس ما لها قيمة
موجوع وضايع منتهي ومدمر ما بخفيك
ممنونك كلشي فيي من وراك بتشكرك
لا عم بقدر نام خايف احلم فيك
ولا عم بقدر ضل صاحي واتذكرك
عم انطفي يا ريت طيفك يختفي
حاجة يا ذاكرتي تخونيني
بسرعه كل صوره احذفي
عم انكوا خيبة امل ما لها دواء
عندك ختم قصص الهواء
والقلب متكسر غفي
بعد اليوم لا زوار الا بألف استخارة
يمنع دخول الاشخاص يلي ما عندهم جدارة
ويلي مانو قد الحب يتفضل برا قلبي
بعتذر مضطر قلك انتهى وقت الزيارة
ما حدا ذاق المرار الا وقاسي قلبه صار
والغدر سلاح ضعاف مش وسيلة انتصار
والضعف نقطة تحول مش بدايه انهيار
وياللي قلبه بقلب المي غير اللي قلبه بالنار
الفلم انقلب العاشق هرب
ما في جزء ثاني انكتب
الله لا يسامح اللي كان
بحرقة دموعي السبب
رفع العتب القلب انعطب
سكت الحكي الحب اغترب
الله لا يهني العطيته الروح
من أول طلب
الفلم انقلب العاشق هرب
ما في جزء ثاني انكتب
الله لا يسامح اللي كان
بحرقة دموعي السبب
رفع العتب القلب انعطب
سكت الحكي الحب اغترب
الله لا يهني العطيته الروح
من أول طلب
