أنا أبويا واحشني جدا
محتاجة رأيه في حاجات
أهمل في سؤاله عني و مجاش من يوم ما مات
نضارته و ساعته لسه عا الرف مكان ما سابهم
و هدومه جوة كيسهم و جداد من يوم ما جابهم
أنا أبويا واحشني جدا
محتاجة رأيه في حاجات
أهمل في سؤاله عني و مجاش من يوم ما مات
نضارته و ساعته لسة عا الرف مكان ما سابهم
و هدومه جوة كيسهم و جداد من يوم ما جابهم
نفسي أتكلم معاه و أحكيله عا اللي تم
و هقوله مين في مرضه زاره و نقله دم
و هاقوله إني آسف علشان خبيت عليه
و أحلفله بإني نفسي لو يوم ألمس إيديه
و أعمله شاي خفيف و أقسم وياه رغيف
كان حضنه جمعنا لما كان صوته فيه ونس
و كتير بقعد معاه و أشكيله من الحياة
أنا عارف إنه سامع متأكد إنه حس
ما هو بردو الموت لا يمكن
يقتل في الناس شعورها
و مافيش في الدنيا شجرة تقطعها من جذورها
و مافيش في الدنيا راحل إلا و سايب وراه
واحد من صلبه شبهه يدعيله في الصلاة
أنا أبويا واحشني جداً وحشاني معاه حاجات
بطلت أعملها وحدي من ساعة لما مات
أنا أبويا واحشني جداً وحشاني معاه حاجات
بطلت أعملها وحدي من ساعة لما مات
