Жалт етеді бір үміт тайып беріп,

Жалынамын жанымды жайып көріп,

Қаным сыймай барады ау арнасына

Қосылғандай Ілеге Жайық келіп

Жарығым-ай,

Тұман торлап жүзіңе қалғанын-ай,

Деуші еді ғой жалғыздың жары Құдай

Неге таси береді қаным ұдай, Жарығым-ай!

Қорқып тұрам орнымнан, қорқып жатып,

Толқын кетіп барады ей толқындатып,

Бәрі келіп тоғысып жүрегімнің

Жағалауын тебеді солқылдатып.

Жарығым-ай,

Тұман торлап жүзіңе қалғанын-ай,

Деуші еді ғой жалғыздың жары Құдай

Неге таси береді қаным ұдай

...

Жарығым-ай,

Тұман торлап жүзіңе қалғанын-ай,

Деуші еді ғой жалғыздың жары Құдай

Неге таси береді қаным ұдай, Жарығым-ай!