حكاية المحبة مازال نحكيها
نحكي لكل عشاق يعطيني مالو
ولي ماتعذب مايدري بيها
نعذر المتعذب ودموع سالو
خلو لييي خدعتني خلوها
جميع من خدع ربي يشين حالو
انا كنت زاهي متنونس بيها
في القلب ساكنه ماغابنها والو
وين مشيت معايا لازم نديهااا
عيطة شيرات صغرات منها غارو
العديان جاو بالكذب ولعبو بيها
قالولها اخطيه مامنو والو
دارت ليام خدعتني بجيها
عجبها غيري مالو واحوالو
تـالف الــراي
ليام تنقلب والدنيا بدالة
لي كان غني يرخص في سومو
عيطة رجال فاتو في هاذ الحالة
والغالطين مشي حق يلومو
نحكي قصتي لجميع المثالة
بصح لحسود راهم يعومو
الجياح خرجو للعيب بدالة
ولي رجال راهم في الظل يسامو
لو جات القتيلة قاع قتالة
لي ما طاق يقتل يقتل بكلامو
يلي بغيت تحسن عون الڨوالة
نطقو زعاف يخرج نساو همومو
عييت مانسايس ونربي فيها
ماسمعت غير هدرة قالو وقالو
الي كواتني ياربي كويها
راني عييت صابر ليام طوالو
اللبسة منين تخرج نتنزه بيها
شحال عيون تخزر والناس يسالو
هدي لي نصرو عشق فيهاااا
راني صابر والصابرين ينالو
