Yog hmoov dab tsi es hnub no
Kuv thiaj li muaj koj
Los nyob ntawm kuv ib sab ua kuv luag
Kuv lub kua muag thiaj li txawj tu
Ntshes yog yawm saub
Tso koj los hlub kuv
Yog hmoov dab tsi es hnub no
Kuv thiaj li muaj koj
Los puag rau xub ntiag sov kuv lub siab
Kuv tej kev nyuaj siab
Nws thiaj li ploj mus
Thiaj ua rau kuv nyob kaj siab lug
Koj yog tus uas cawm kuv no txoj sia
Koj yog tus uas teev kuv no lub kua muag
Hnub no kuv muaj lub ntsej muag luag
Vim yog muaj koj los rau kuv puag
Yav tas dhau los kuv
Nyob ib leeg ntsiag to
Ncig mus txog twg los
Zoo li pos huab nti
Tiam sis txij li muaj koj hlub kuv
Pom duab tshav ntuj ci thoob ntiaj teb
Thov yawm saub pab tuav
Wb kev hlub kom ruaj
Cia koj rau kuv puag
Cia kuv rau koj hlub
Tsis pub sib nrug nyob ua ib yig
Sib tuav tes luag ntxhi
Mus txog hnub kawg
Koj yog tus uas cawm kuv no txoj sia
Koj yog tus uas teev kuv no lub kua muag
Hnub no kuv muaj lub ntsej muag luag
Vim yog muaj koj los rau kuv puag
Yav tas dhau los kuv
Nyob ib leeg ntsiag to
Ncig mus txog twg los
Zoo li pos huab nti
Tiam sis txij li muaj koj hlub kuv
Pom duab tshav ntuj ci thoob ntiaj teb
Thov yawm saub pab tuav
Wb kev hlub kom ruaj
Cia koj rau kuv puag
Cia kuv rau koj hlub
Tsis pub sib nrug nyob ua ib yig
Sib tuav tes luag ntxhi
Mus txog hnub kawg
