نزلت من البيت في المطر
ومهمهاش برد الشتا
بقالو كام يوم مختفي
مش فاهمه ليه بيعمل كده
نزلت وراحت
على مكان
كانوا فيه تملي بيسهروا
اول ماشفها في سلامه بان
ان مشاعره اتغيروا
وقال كلام مكانتش عارفه تجمعه
متفاجأه بيه مذهولة قاعدة بتسمعه
اصل الكلام ده بيبقي دايما اخره بعد
فعلا قوام ظنونها جت في محلها
ورفع عنيه وبقسوة وبرود قالها
معلش اسف إحنا لازم ننسي بعض
سرحت وشافت ذكريات اجمل ليالي عمرها
معقولة يعني قلبه مات وحياتها ناوي يهدها
بصتله تاني بإهتمام وقالتله متفقين كده
انا جايه اقول نفس الكلام
مابقتش عايزه الحب ده
هتقوله إيه ماهي مستحيل تستعطفه
معقوله يعني هتبكي علشان تكسفه
يعني هيبقي جرح وكمان يبقي ذل
مشيت قوام كانت ضعيفه متشتته
مشيت قوام وساعتها حست بالشتا
بس المطر قدام دموعها كان أقل
