නිල් නුවන් පෙඟෙන අඳුර ගලා නුරාවෙන් වෙලී
මල් පිපෙන සුළඟ නීල වලා තුලට ගුලිවෙවී
සඳ හොරෙන් සිනාවී නිල් දිය මතට පාවෙමින්
හදේ දෙරටු විවර කලෙමි සොඳුර ඔබෙ නමින්
අඹ තුරින් තුරට මල් මුවරද පිරීලා
සිඹ තුටින් සිටිති සමනල් පෙල ගැසීලා
කිරි කවඩි සිනාවේ ....
පෙළහර දකිනු රිසින් මගෙ සිත ගොළුවෙලා
නිල් නුවන් පෙඟෙන අඳුර ගලා නුරාවෙන් වෙලී
ලැම හසුන් රැඟුම් පා මනමත් කලාදො
රත තොලින් තොලට දී සෙනෙහස රකීදො
සිත සතුට ගෙනාවේ ....
ඔබමය මගේ හිතත් ඔබ ලඟ නැවතිලා
නිල් නුවන් පෙඟෙන අඳුර ගලා නුරාවෙන් වෙලී
මල් පිපෙන සුළඟ නීල වලා තුලට ගුලිවෙවී
සඳ හොරෙන් සිනාවී නිල් දිය මතට පාවෙමින්
හදේ දෙරටු විවර කලෙමි සොඳුර ඔබෙ නමින්
