1»» صوت رنة المفتاح في الباب ساعة اما توصل
ومكالمة نص اليوم لما من غير داعي تسأل
والزعيق من ورا قلبك لما اصالحك وتتقل
وحضنك اللي بنسي قبله ليه كنت بزعل
2«« رأيك اللي كله حكمه صوتك حفظته
كل موقف يوم زعلني وبعدين فهمته
انت اللي انا رافعه راسي من ورا اسمه وسيرته
بنت ابويا واه يا بختي بعمري وياك عشته
1»» بيقولولي إني شبهك
إني زيك
حتة منك
روحي روحك
واخده قلبك
في المشاعر والكلاااام
2«« بيقولولي
اللي شافوكي
كتير لقوكي
بنت ابوكي
دا ف سلامه
واهتمامه
يا بختي قالوا بنت ابويا يااااسلام
اه اه
1»» لما تقلق وانا اخبي لااا تزعل عشاني
واما ف طريقنا نسافر ونشغل أغاني
واما تشوف مني دمعه وتعمل مش شايفها
بتخاف تكسفني وتحسسني إنك كاشفها
2«« إنت سندي انت ضهري وصاحب عمري كله
لما بشكي لما بحكي من غيرك أروح أقوله
ياللي مهما كبر سني هفضل أعيش في ضله
يا حبيبي يا رب يخلي صوتك العمر كله
1»» بيقولولي إني شبهك
إني زيك
حتة منك
روحي روحك
واخدة قلبك في المشاعر والكلام
2«« بيقولولي
اللي شافوكي
كتير لقوكي
بنت ابوكي
دا ف سلامه
واهتمامه
يا بختي قالوا بنت ابويا يااااسلام
