മിന്നി മിന്നി കണ്ണുചിമ്മി നിന്നെ നോക്കി

പാവപോൽ ഞാനിരിപ്പൂ

വിങ്ങി വിങ്ങി ഒന്നു മിണ്ടാൻ ഒന്നടുക്കാൻ

ഞാൻ കാത്തേ നില്പൂ

പൂന്തെന്നൽ പോലെൻ കിളിവാതിലിൻ

അഴി നീക്കി നീ വരൂ

എത്ര ഞാൻ നിൻ മുഖം ഓർത്തിരിക്കുന്നു

അത്രമേൽ രാവുകൾ മെല്ലെ നീങ്ങുന്നു

കണ്ണുകൾ കൊള്ളവേ ഉള്ളു നീറുന്നു

ആദ്യമായ്

നിൻ വിരൽ തുമ്പുകൾ മിന്നലാകുന്നു

നിൻ സ്വരം പോലുമിന്നീണമാകുന്നു

പിഞ്ചിളം കുഞ്ഞുപോൽ നീ ചുവക്കുന്നു

സ്വപ്നമൊ നേരോ?

മിന്നി മിന്നി കണ്ണുചിമ്മി നിന്നെ നോക്കി

പാവപോൽ ഞാനിരിപ്പൂ

വിങ്ങി വിങ്ങി ഒന്നു മിണ്ടാൻ ഒന്നടുക്കാൻ

ഞാൻ കാത്തേ നില്പൂ

കണ്മഷിക്കൂടിതാ ഞാൻ തുറക്കുന്നു

കാൽവിരൽ മണ്ണിലെ ചിത്രമാകുന്നു

എന്നിലെ പൊൻമയിൽ പീലി നീർത്തുന്നു

വെറുതേ

നീ വരും വീഥിയിൽ ഞാനിരിക്കുന്നു

നിന്റെ കൺകോപവും ഭംഗി തോന്നുന്നു

നിന്റെ കണ്ണാടിയായ് മെല്ലെ മാറുന്നു

മന്ത്രമായ് ചൊല്ലൂ

മിന്നി മിന്നി കണ്ണുചിമ്മി നിന്നെ നോക്കി

പാവപോൽ ഞാനിരിപ്പൂ

വിങ്ങി വിങ്ങി ഒന്നു മിണ്ടാൻ ഒന്നടുക്കാൻ

ഞാൻ കാത്തേ നില്പൂ

പൂന്തെന്നൽ പോലെൻ കിളിവാതിലിൻ

അഴി നീക്കി നീ വരൂ