قُصر الكلام عاوزة إيه بقى يا أيام
طب تاخذي كام وتسيبيني أعيش في سلام
بصحى وبنام حالي حال في بالي سؤال
أنا مين هفارق هودّع كام؟
قلقان أوي من اللي جاي والمكتوب
من كل شيء في الطريق ومش محسوب
يا دنيا ليه قد إيه كسرتي قلوب
طب شايلة إيه يا ترى قدام
عايش ماليش أحباب ولا لمّة
ولا ناس لسه مهتمة
لوحدي بعيش اليوم باليوم
وبقوع وبقوم ثاني يا أيام
كل اللي راح إنتهى ومالوش رجوع
سابني في جراح ساب لي ذكريات ودموع
مين اللي قال هنسى وإنتهى الموضوع
أنا لسه ليه مابقتش تمام
ليه كل حلم إبتديته آخره فراق
ليه قلبي حب ياما بس عمره ما ذاق
ليه رغم كل حاجة بفتكر وأشتاق
أنا مش سليم ولا هنسى قوام
عايش ماليش أحباب ولا لمّة
ولا ناس لسه مهتمة
لوحدي بعيش اليوم باليوم
وبقوع وبقوم ثاني يا أيام
أمشي الطريق وفي نهايته ألاقي سراب
وقت اللزوم بكتشف ماليش أصحاب
أوقات كثير بنتسند من الأغراب
هيفيد بإيه يلا قصر الكلام
