Lub cev nrom ncees tsis tus siav
Kuv niaj hnub quaj hnub seev
Koj lub npe rau txhua txoj kev
Vim kuv tseem cwj tau...
koj lub suab qeej
Ntaug leev ploj loog hauv kuv nruab siab
Thov koj txais khob cawv zoo xeeb
Tuaj lees ua kuv tus txiv qeej...
Koj ua kuv luag los lawm ib ncua
Cas yuav nco wb plees nkauj
Nraug yav ntuj thaum hluas
Mus txoj... hauv kev twg
Muaj koj ua kuv luag
Tshuab qeej deeg daws
Txhua txoj hauv kab
Zaum no koj nkauj ntxawm
Yuav mus ciaj dab
Koj coj kev es kuv mam lawv qab
Thov tsa koj lub qhov Muag
los saib kuv ib zaug
Tsam kuv sua roj sua hneev mus dhau
Txawm muaj lwm tiam...
Los xyov puas nco los sib nrhiav
Thov poob ib lub kua muag
Zaum kawg ua chaw tshua
Zaum no koj nkauj ntxawm
Mus hla hlo tus dej loj
Wb zaj dab neeg ces...
Yuav ploj pliag nrog zaj qeej tu siav
Yuav txog sijhawm
Kuv me nkauj ntxawm
Zaum no wb mus twb yuav txog chaw
Kuv coj koj kev
Dhau tej roob tej hav
Mloog kuv lub suab qeej
es raws kuv qab
Ua rau kuv nco txog yav tag
Muaj koj nyob ntawm kuv ib sab
Ntshe nws tsis yog wb daim ntawv
Thiaj tsis tau los ua txij nkawm
Koj nim mus ua neej ntsiag to
Hnub no mam li hnov koj xov
Tuaj thov kuv lub suab qeej dua
Los nim tshuab ntxuag lub kua muag
Vim zaum no yog av luaj quas
Thov tsa koj lub qhov
Muag los saib kuv ib zaug
Tsam kuv sua roj sua hneev mus dhau
Txawm muaj lwm tiam...
Los xyov puas nco los sib nrhiav
Thov poob ib lub kua muag
Zaum kawg ua chaw tshua
Zaum no koj nkauj ntxawm
Mus hla hlo tus dej loj
Wb zaj dab neeg ces...
Yuav ploj pliag nrog zaj
Qeej tu siav
Zaum no kuv coj
Koj los txog tus dej loj
Sib ncaim zaum no
Ntshe yuav tag nrho ib sim lawm mog
Koj tsis txhob quaj
So kiag kua muag
Kav tsij mus es tsis txhob tshua
Wb txoj kev hlub dhau los
Cia rau kuv ib leeg mam ua tus nco
Koj lub ntsej muag koj lub suab luag
Txawm wb tsuas tau los hlub ib vuag
Kuv me nkauj ntxawm tsis txhob tu siab
Txhob cheem koj tus ntsuj duab cia
Ua ib siab cia txoj kev hlub
Xaus nrog zaj qeej tu siav
